Velorio en Ponte Sampaio para escenificar "a morte da sanidade pública" na parroquia
Por Redacción
Coma se dunha necrolóxica se tratase, representantes da Plataforma de Ponte Sampaio-Canivouva acompañados de veciños, anunciaron o acto que tiñan previsto realizar este xoves xunto ao consultorio médico da parroquia.
"A sanidade pública de Ponte Sampaio faleceu despois de sufrir os recortes constantes do Partido Popular", sinalaba o anuncio co que pedían a colaboración veciñal para esta e outras protestas que se sucederán nas próximas semanas.
Cruces, velas e coroas de flores acompañáronlles para facer visible o seu descontento, nunha acción que tamén se realizou nas contornas dos centros de saúde de Arcade e Soutomaior co apoio do BNG deste municipio.
"A situación que estamos a vivir na nosa parroquia é un sin sentido absoluto no que se algo vai quedando claro é que o SERGAS pretende que as veciñas de Ponte Sampaio queden definitivamente sen consultorio. Cada día poñen unha excusa diferente para ter o consultorio pechado", explicaron representantes da Plataforma de Ponte Sampaio-Canivouva.
Ante esta situación "iniciamos unha batería permanente de iniciativas en defensa da sanidade pública", avanzaron.
"Hoxe as veciñanzas de Soutomaior e Ponte Sampaio estamos unidos por algo moito máis sólido e contundente que a ponte medieval. Estamos unidos pola defensa da saúde dos nosos fillos e dos nosos maiores", sinalou tamén o portavoz do BNG en Soutomaior, Manu Lourenzo.
O velorio reivindicativo desenvolveuse de maneira simultánea nos tres centros de saúde.
Relacionadas:
-
Un biombo e unha porta permitirán adaptar o centro de saúde de Ponte Sampaio ao protocolo anti Covid-19 e recuperar a atención médica
Por Natalia Puga |
-
Ponte Sampaio, A Canicouva e Soutomaior volven saír á rúa contra o "desmantelamento da sanidade pública"
Por Natalia Puga | Creada e actualizada
-
A veciñanza de Ponte Sampaio lamenta que o Sergas non concrete data para o regreso do médico
Por Redacción |
-
A Xerencia comprométese a manter o servizo de medicina e enfermaría no consultorio de Ponte Sampaio
Por Oskar Viéitez |
-
A corporación insta ao Sergas a repoñer "sen máis dilación" o médico en Ponte Sampaio
Por Alejandro Espiño & Mónica Patxot |
-
A área sanitaria afirma ser a "primeira interesada" en retomar a atención en Ponte Sampaio
Por Redacción |
-
O Concello acusa o Sergas de "dilatar" o regreso do médico a Ponte Sampaio
Por Alejandro Espiño |
-
A xerencia do CHUP insiste en pedir a biblioteca de Ponte Sampaio ao Concello para normalizar a atención primaria na parroquia
Por Redacción |
-
Concentración veciñal para reclamar servizo médico en Ponte Sampaio
Por Redacción |
-
Pontevedra cederá ao Sergas a Casa de Cultura de Ponte Sampaio como solución "transitoria"
Por Alejandro Espiño |
-
Ponte Sampaio concéntrase para reclamarlle ao Sergas o retorno do médico ao consultorio da parroquia
Por Diego Torrado & Redacción |