En estado crítico unha rapaza á que arrastrou o mar na praia de Insuíña
Por Redacción
A moza, S. A. C. P., de 19 anos de idade e veciña de Castrelo (Cambados) permanece ingresada en estado crítico tras ser arrastrada polo mar cando pasaba a tarde na praia de Insuíña.
Segundo informaron dende o 112, o aviso aos servizos de emerxencia alertaba do afogamento de dúas mozas, ademais da rapaza antes mencionada tamén a súa prima de 14 anos. Non obstante esta última puido saír da auga polo seu propio pé despois de intentar rescatar a súa prima.
Un bañista que estaba na praia logrou rescatar a moza de 19 anos.
Ata o lugar do suceso acudiron efectivos de Protección Civil de Cambados, Policía Local e a Garda Civil. O helicóptero do 112 trasladou a rapaza ao Policlínico de Santiago.