Falece no hospital a moza rescatada na praia de Insuíña
Por Redacción
A moza rescatada este sábado na praia de Insuíña, en Cambados, faleceu no hospital despois de ingresar en estado crítico no Complexo Hospitalario Universitario de Santiago (CHUS).
A vítima, S.A.C.P, de 19 anos e veciña do Couto, foi arrastrada pola corrente mentres se bañaba coa súa prima, de 14, que tamén tivo que ser atentida ao intentar rescatala, aínda que puido saír da auga polo seu propio pé.
Os feitos producíronse minutos antes das 20.30 horas deste sábado, cando os servizos de emerxencia recibiron unha aviso alertando do perigo de afogamento de dúas persoas.
A rapaza foi rescatada por outro bañista, estabilizada no punto e trasladada polo helicóptero do 112 a Santiago de Compostela, onde faleceu de madrugada.