Feijóo ve "razoable" pensar na desescalada e en incrementar a actividade económica en Galicia
Por Diego Espiño
O presidente da Xunta, Alberto Núñez Feijóo, protagonizou este domingo unha comparecencia tras a reunión do Goberno e os presidentes autonómicos para corrdinar o dispositivo de acción contra o coronavirus.
Para o dirixente galego e o seu equipo de goberno, cos datos na man, "parécenos razoable valorar un incremento da actividade económica en Galicia, iso si, coa máxima seguridade", asegurou.
Isto é así ao entender que en Galicia "hai unha substancial melloría en relación a esta última semana", explicou, xa que desde o 5 de abril, considerado como o momento de máximo pico na comunidade, "triplicáronse o número de altas hospitalarias, a presión sobre as UCI diminuíu un 37% ao pasar de 178 pacientes no pico a 112 e a evolución de contaxios segue a estar por baixo de 1 (0,78%)".
Trátase duns datos, asegura, que "invitan á esperanza", e que permitiron desactivar a fase aguda de plan de continxencia e volver á fase 2, a considerada de contención do virus. Ademais, engadiu, a taxa de letalidade en Galicia segue sendo das máis baixas do Estado cun 3,9%.
Ante o novo panorama que empeza a debuxarse no horizonte "é necesario ir prevendo un proceso de desescalada", asegura Feijóo, aínda que "son plenamente consciente de que se nos precipitamos sería un erro imperdoable".
Neste sentido para o presidente da Xunta serán craves tres aspectos, e así llo transmitiu ao presidente do Goberno, Pedro Sánchez, que pasan por tentar que a información sobre contaxios e afectados sexa o máis "fiable e homoxénea" posible, que se elabore unha folla de ruta para a desescalada e se informe dela con previsión e que se achegue liquidez ás familias, traballadores e empresas para que poidan retomar a súa actividade normal.
En canto ás medidas de prevención as instrucións na súa opinión serían "en primeiro lugar como criterio básico o distanciamento social, en segundo lugar a hixiene de mans e en terceiro lugar unha proposta de uso xeneralizado de mascarillas".
Todo iso completaríase con test masivos á poboación e deseñando un sistema de apertura e peche dinámico dos diferentes sectores por se se producen rebrotes nalgunha zona concreta, actuando por tanto dun modo máis asimétrico en función da afectación do Covid-19 nos diferentes municipios.
Núñez Feijóo, que defendeu a decisión de realizar un estudo epidemiolóxico a nivel galego, valorou positivamente a decisión do presidente do Goberno de permitir a partir do 27 de abril a saída ao exterior de nenos. "Agradézolle que atendera á petición de varios presidentes autonómicos", explicou respecto diso aínda que mostrando as súas dúbidas sobre a idade aconsellable á que estender a medida porque "é bastante discutible" xa que "o Goberno dixo 12 anos e a idade pediátrica finaliza aos 14".
Relacionadas:
-
Feijóo propón unha desescalada por áreas sanitarias
Por Oskar Viéitez |
-
O Goberno autorizará paseos e saír a facer deporte a partir do 2 de maio se se contén a pandemia
Por Natalia Puga | Creada e actualizada
-
O Sergas inicia este xoves en Pontevedra o estudo epidemiolóxico do coronavirus con 2.700 test
Por Oskar Viéitez |
-
O Goberno rectifica e os menores de 14 anos poderán saír da casa a pasear
Por Alejandro Espiño | Creada e actualizada
-
A Xunta reparte 332.000 máscaras de protección entre as empresas da provincia
Por Redacción |
-
Sanidade advirte que a posible saída dos menores "non será para xogar"
Por Alejandro Espiño |
-
Pedro Sánchez anuncia que se permitirá a saída "limitada" dos nenos a partir do 27 de abril
Por Diego Espiño |
-
Galicia fará as probas do coronavirus a 100.000 galegos para estimar a poboación "inmunizada"
Por Alejandro Espiño |
-
Feijóo dá por superada a fase aguda da crise e pide levantar restricións por territorios
Por Oskar Viéitez |
-
Feijóo pide ao Goberno que busque fórmulas para que os nenos poidan saír de forma "ocasional"
Por Natalia Puga |