Satisfacción na Lama pola resposta dos veciños ao cambio de localización da feira
Por Redacción
O goberno local da Lama valora positivamente a resposta dos veciños ao cambio de localización da feira mensual, que se estreaba este domingo.
Desde agora os postos de venda ambulante concéntranse na chaira da Alameda, onde se instalarán cada último domingo de mes deixando libre a súa anterior localización en diversas rúas do centro da vila.
Este domingo estiveron presentes vendedores ambulantes de roupa, calzado panadería, produtos da horta, comestibles e plantas, ademais de contra cun pulpeiro.
A intención do equipo de goberno é deixar libre ao tráfico e ao aparcamento as rúas que ocupaban os vendedores ambulantes e que se pechaban ao tráfico e favorecer así a accesibilidade aos veciños.
Vendo a resposta, esta iniciativa terá continuidade en próximas edicións da feira.