O PSOE lembra ao PP que a Xunta debe asumir a titularidade da Escola de Cantería de Poio
Por Redacción
O grupo socialista da Deputación presentou unha emenda a unha moción do Partido Popular que levará ao próximo pleno provincial. Os socialistas están de acordo en que a Deputación inste á Xunta de Galicia para que inicie os trámites ante o Goberno de España para homologar os títulos da Escola de Cantería de Poio con dous novos ciclos de Formación Profesional, pero tamén lle lembran ao PP que a Xunta debe reclamar a transferencia inmediata da Escola coa súa integración plena na rede de centros pertencentes á Consellería de Educación.
Segundo expón no escrito o deputado socialista Carlos Font, a Deputación non pode xestionar un centro público de ensino no que se expiden títulos oficiais de FP en base a un currículo educativo.
Para o PSOE calquera aprobación do ciclo de Formación Profesional implica inmediatamente que a Xunta de Galicia pasaría a responsabilizarse do centro educativo situado na Caeira.
O 4 de marzo aprobábase por unanimidade no pleno unha moción para instar á Xunta a impulsar a creación destes ciclos, un expediente que conleva un longo proceso no que participan o Goberno estatal, a comunidade autónoma, a patronal e os sindicatos. Por este motivo, o PSOE pide que, namentres, a Xunta de Galicia inclúa á Escola de Canteiros no Rexistro de Centros e Entidades de Formación para o Emprego. Con este trámite, o alumnado podería obter un título que permita acceder ao ámbito laboral.
Font indica que a Deputación tamén ten que regularizar a situación urbanística, tras 33 anos de funcionamento en precario, coa obtención da liciencia municipal de actividade. Están en marcha obras de adaptación á normativa sobre seguridade cun orzamento de 440.000 euros.
Relacionadas:
-
RADIO.- Canteiros: "merecémonos ir con dignidade a Notre Dame ou coa cabeza baixa?"
Por Marisa Ciordia |
-
A Escola de Cantería xa está máis preto de conseguir a homologación dos seus estudos
Por Redacción |
-
A Deputación quere que a Xunta asuma a metade dos gastos da Escola de Cantería de Poio
Por Natalia Puga |
-
A Xunta inviste 49.000 euros para mellorar o vial que une Lourido e a AP-9
Por Redacción |
-
A Xunta traslada á Deputación a súa "plena e inmediata disposición" a asumir o Museo
Por Alejandro Espiño | Creada e actualizada
-
440.000 euros para mellorar as instalacións da Escola de Cantería
Por Redacción |
-
A Deputación realizará obras na Escola de Cantería para tentar lograr a homologación do título
Por Redacción |
-
A Deputación pedirá á Xunta a homologación oficial do título da Escola de Canteiros
Por Oskar Viéitez & Mónica Patxot |