Pedaladas quéixase de que o informe de mobilidade non ofrece facilidades para os ciclistas
Por Redacción
A asociación Pedaladas lamenta que o informe encargado polo Concello de Pontevedra desautorice as políticas de cidades como Madrid, Barcelona, Valencia, Zaragoza, Málaga e Sevilla sobre o uso da bicicleta. O informe elaborado polo enxeñeiro Fernando Nebot é, segundo este colectivo, unha alegación contra o carril bici, contradicindo as ideas que se establecen nas grandes cidades de España e de Europa.
Indican que é incomprensible que nun informe se explique en 16 páxinas que un ciclista circula máis seguro rodeado de vehículos a motor que nun carril bici rodeado de bicicletas. Sinalan que a única lóxica deste documento se atopa en xustificar que Pontevedra non ten nin queren que teña unha mínima rede ciclista que permita usar a bicicleta sen importar a idade ou a condición física.
Os representantes de Pedaladas van solicitar unha reunión co alcalde de Pontevedra, Miguel Anxo Fernández Lores, para tratar este tema. Lamentan que o concelleiro e vicepresidente da Deputación, César Mosquera, se amose "cómodo" con este informe no que non se contempla unha soa liña do beneficiosa que é a bicicleta para a saúde, a calidade de vida e o acougado de tráfico.
Desde a asociación de apoio ao uso da bicicleta lamentan que o informe recomende acabar coa autonomía infantil indo en bicicleta e que catalogue aos escolares como perigosos e sen autocontrol, limitando a un máximo de 10 anos o uso das bicicletas nas beirarrúas.
Afirman que ese documento de Nebot no que se recomenda non regular os VMP (patinetes eléctricos e dispositivos similares) carece de sentido. Sinalan que se non se regulan estes vehículos quedan "de facto prohibidos" e os seus usuarios seguirán sendo multados con sancións de 500 euros.
Ante esta situación, Pedaladas denuncia que se está a facer un "uso partidista dunha ordenanza de mobilidade e de informes técnicos que deben ser imparcias" coa intención de rexeitar calquera decisión que ofreza facilidades aos ciclistas.
Relacionadas:
-
Pedaladas cre que a Ordenanza de Mobilidade de Pontevedra non se aprobará neste mandato
Por Oskar Viéitez |
-
Pedaladas trasladará as súas demandas á subdelegada do Goberno
Por Oskar Viéitez |
-
Os técnicos de emerxencias piden un novo estudo de mobilidade falando cos colectivos afectados
Por Redacción |
-
O estudo encargado polo Concello propón 'zona 10' para coches e bicis en rúas de plataforma única
Por Alejandro Espiño |
-
Colectivos ciclistas reclamarán unha "gran vía verde" entre Pontevedra e Vigo
Por Redacción |
-
Pedaladas insiste en reclamar un só carril motorizado e outro dobre para bicicletas na Ponte da Barca
Por Redacción |
-
Un grupo de ciclistas escenifica unha masacre para reclamar máis seguridade
Por Oskar Viéitez |