A Xunta autoriza a construción do polígono comercial do Vao
Por Redacción
A creación dun polígono comercial no Vao está cada vez máis próxima a converterse en realidade, despois de superar diversos problemas administrativos ao longo dos últimos anos.
Un dos últimos requisitos necesarios para a súa construción acaba de obter luz verde por parte da Xunta de Galicia, que aprobou este xoves a Autorización Comercial Autonómica (ACA) á Inmobiliaria Ponteno para habilitar no Vao un establecemento comercial colectivo de 8.252 metros cadrados.
Este proxecto prevé a implantación de seis marcas comerciais e a creación de 471 prazas de estacionamento (das que se reservarán 18 para persoas con discapacidade), así como 4.406 metros cadrados de zonas verdes repartidos entre dúas parcelas.
Os impulsores do proxecto prevén a creación duns 190 postos de traballo directos e ao redor de 40 indirectos, vinculados a servizos como o transporte de mercadorías, limpeza, vixilancia ou mantemento.
O prazo previsto de execución e apertura destas novas instalacións é de dous anos desde a emisión da autorización comercial autonómica.
Relacionadas:
-
O polígono comercial do Vao segue pendente da burocracia despois de 18 anos de trámites
Por Oskar Viéitez | Creada e actualizada
-
Tres empresarios inician a tramitación para ampliar o polígono do Vao
Por Diego Espiño |
-
O polígono do Vao, pendente da entrega de documentación dos promotores ao Concello
Por Natalia Puga |
-
Tramitan ante Costas a construción dun aparcamento no futuro polígono do Vao
Por Alejandro Espiño |
-
O polígono do Vao, ao xulgado: unha empresa recorre a modificación urbanística que o ampara
Por Alejandro Espiño |
-
Visto e prace de Costas ao polígono do Vao
Por Oskar Viéitez |
-
A Xunta desbloquea o desenvolvemento do Polígono do Vao
Por Oskar Viéitez |