Quirónsalud Miguel Domínguez amplía Cirurxía Xeral e do Aparello Dixestivo con especialistas en técnicas minimamente invasivas
Por Redacción
O hospital Quirónsalud Miguel Domínguez ampliou o equipo de profesionais do servizo de Cirurxía Xeral e do Aparello Dixestivo coa incorporación dos cirurxiáns Wilson Rodríguez, Fernando Santos e Daniel Prieto. Un servizo que tamén conta coa experiencia do doutor Jesús Sánchez Nebra.
Os médicos que se incorporan ao hospital teñen unha ampla experiencia en técnicas minimamente invasivas como a cirurxía laparoscópica, para a abordaxe da cirurxía da obesidade e metabólica, cirurxía proctológica (hemorroides e chan pélvico) e da parede abdominal (hernias).
Esta cirurxía permite procedementos cirúrxicos complexos mediante pequenas incisións. O paciente benefíciase dunha diminución da dor postoperatoria e da posibilidade de infección da ferida cirúrxica e de hernia, unha significativa redución da estancia hospitalaria e unha pronta recuperación á vida normal.
Fernando Santos é licenciado e doutor en Medicina e especializouse en Cirurxía do Aparello Dixestivo na Universidade de Salamanca. É especialista en Cirurxía da Obesidade e en cirurxía laparoscópica de enfermidades benignas de colon e recto. Conta con máis de 15 anos de experiencia na Unidade Esófago- gástrica e Laparoscópica do Complexo Hospitalario Universitario de Santiago de Compostela.
Daniel Prieto é licenciado en Medicina e Cirurxía pola Universidade de Santiago de Compostela e especialista en Cirurxía Xeral e do Aparello Dixestivo. É experto en Cirurxía laparoscópica avanzada polo centro Lusson da Universidade de Estremadura. Iniciou a súa actividade no Complexo Hospitalario de Lugo e, desde o 2011, traballa na Unidade de Coloproctologia do Hospital Clínico de Santiago.
Wilson Rodríguez é licenciado en Medicina e Cirurxía pola Universidade da Sabana (Bogotá) e especializouse en Cirurxía Xeral no Complexo Hospitalario Universitario de Ferrol. Traballou en diversas rotacións académicas no Complexo Universitario da Coruña sobre Cirurxía Hepatobiliar, Cirurxía Esofagogástrica, Cirurxía Torácica, e Vascular. Ampliou a súa formación en Cirurxía de politrauma e coidado crítico do paciente traumatizado cirúrxico no Westchester Medical Center de Nova York (EE. UU).
Jesús Sánchez Nebra é doutor en Medicina e Cirurxía pola Universidade de Zaragoza e especialista en Cirurxía Xeral e do Aparello Dixestivo. Ten unha dilatada experiencia en cirurxía laparoscópica avanzada (realizou a primeira colecistectomía por laparoscopia en Pontevedra no ano 1993) e en cirurxía bariátrica. Iniciou a súa carreira no Hospital Montecelo de Pontevedra, foi xefe do Servizo de Cirurxía e do Aparello Dixestivo do Hospital do Salnés e desde hai 10 anos, desenvolve a súa actividade como especialista no Hospital Quirónsalud Miguel Domínguez.
Relacionadas:
-
A cirurxía bariátrica, unha solución para o 70% dos pacientes con obesidade
Por Noticia patrocinada |
-
Propoñen un enfoque médico multidisciplinar para combater a 'epidemia' da obesidade
Por Noticia patrocinada |
-
Quirónsalud Miguel Domínguez incorpora as técnicas Holmium e Láser Verde no servizo de Uroloxía
Por Noticia patrocinada |
-
Quirónsalud Miguel Domínguez reforza as Urxencias e renova habitacións e zonas de traballo
Por Oskar Viéitez |
-
A "segunda oportunidade" na vida tras sufrir dano cerebral adquirido
Por Redacción |
-
Unha sociedade que salva vidas
Por Oskar Viéitez |