Unha sociedade que salva vidas
Por Oskar Viéitez
Profesionais da UCI do Complexo Hospitalario Universitario de Pontevedra impartiron este luns dous talleres prácticos de reanimación cardiopulmonar (RCP) dirixidos a persoal sanitario, pacientes e usuarios nos hospitais Montecelo e Provincial.
Con motivo da conmemoración do Día Europeo de Concienciación do Paro Cardíaco, durante tres horas, os profesionais amosaron a manobra básica de RCP a todas aquelas persoas que quixeron coñecer "como salvar unha vida".
Unha ducia de profesionais da Unidade de Coidados Intensivos e do servizo de Pediatría participaron nos obradoiros. O taller levado a cabo no Hospital Provincial estivo centrado na aprendizaxe desta técnica en casos pediátricos.
Tamén participou nesta iniciativa o equipo do Hospital Quirónsalud Miguel Domínguez coordinado pola Unidade de Coidados Intensivos (UCI). Os talleres estiveron dirixidos a empresarios do comercio e á hostalería de Pontevedra, e aos veciños, nun obradoiro aberto ao público e establecido na entrada principal do hospital.
Para os talleres dirixidos a empresarios, que continúan este martes nunha nova sesión, inscribíronse un total de 30 profesionais.
Relacionadas:
-
Quirónsalud Miguel Domínguez amplía Cirurxía Xeral e do Aparello Dixestivo con especialistas en técnicas minimamente invasivas
Por Redacción |
-
300 escolares aprenden a realizar unha reanimación cardiopulmonar
Por Redacción |
-
Nenos de Marcón aprenden nocións básicas de primeiros auxilios
Por Redacción |
-
Cerdedo-Cotobade instrúe os veciños no uso de desfibriladores
Por Redacción |
-
Unha sinxela manobra que pode salvar vidas
Por Redacción |
-
Quirónsalud Miguel Domínguez imparte talleres de reanimación cardiopulmonar para empresarios
Por Redacción |
-
Por que os Bee Gees ou Los del Río te poden salvar a vida?
Por Redacción |
-
A importancia de coñecer as manobras básicas de reanimación
Por Cristina Saiz |