Cruz Vermella distribuirá cen toneladas de alimentos en Pontevedra
Por Oskar Viéitez
Cruz Vermella distribuirá en Pontevedra 99.926,908 quilos de alimentos entre 2.217 persoas vulnerables dentro do seu programa de Axuda Alimentaria, que está cofinanciado nun 85% polo Fondo de Axuda Europea para as Persoas máis Desfavorecidas ( FEAD) e nun 15% polo orzamento nacional.
Nesta tarefa Cruz Vermella traballa con máis de 11 entidades participantes en Pontevedra.
Os alimentos son de carácter básico, pouco perecedoiros, de fácil transporte e almacenamento.
A cesta de alimentos inclúe arroz, garavanzos cocidos, leite, atún en conserva, pasta alimenticia, tomate frito, crema de verduras deshidratadas, galletas, xudías verdes en conserva, froita en conserva en caldo de azucre lixeiro, cacao soluble, tarritos infantís de froita e de pito, cereais infantís, leite de continuación en po, aceite de oliva e conserva de sardiña en aceite vexetal.
Trátase de alimentos especialmente nutritivos, que van contribuír a satisfacer as necesidades de persoas adultas e, de maneira especial, dos menores.