As obras da Rolda Leste espertan o interese de 21 empresas
Por Redacción
As obras para construír a Rolda Leste de Pontevedra veñen de espertar o interese de 21 empresas de ámbito galego e estatal.
O servizo de Mobilidade da Deputación provincial analizará nas vindeiras semanas toda a documentación técnica presentada polas firmas para poder puntuar as propostas. A execución dos traballos está valorada en máis de dous millóns de euros e teñen que estar executados en nove meses.
A mesa de contratación da Deputación abriu o pasado venres os "sobres A" cos datos técnicos. En total foron 21 propostas, entre as 13 firmas individuais e as que presentaron as oito unións temporais de empresas que se asociaron para poder presentarse ao concurso provincial.
Para a valoración das proposicións e a determinación da oferta economicamente máis vantaxosa os técnicos atenderán ao programa e equipo de traballo (ata un máximo de 15 puntos), plan de control de calidade (ata un máximo de 15 puntos), memoria de traballo (ata un máximo de 10 puntos) e ao plan de actuacións ambientais (ata un máximo de 5 puntos).
Posteriormente abrirase o "sobre C", que valorará o menor prezo ofertado (ata 55 puntos).
Estímase que a escolla da empresa estará finalizada no mes de marzo para que as obras se poidan rematar neste mesmo exercicio.
Relacionadas:
-
A Rolda Leste entrará en funcionamento en maio
Por Mónica Patxot & Oskar Viéitez |
-
En marcha as obras de construción da Rolda Leste
Por Redacción |
-
Adxudicadas as obras da Rolda Leste a unha empresa ourensá que presentou unha oferta de 1.287.000 euros
Por Redacción |
-
PP e técnicos sanitarios piden que a Rolda Leste sexa unha vía "libre de lombos" cara a Montecelo
Por Diego Espiño |
-
O goberno provincial aproba a licitación das obras da Rolda Leste
Por Redacción |
-
Os novos accesos a Príncipe Felipe e Montecelo, en obras na primavera de 2018
Por Alejandro Espiño & Cristina Saiz |
-
A Rolda Leste, entre O Marco e San Amaro, reformúlase co dobre de orzamento e máis lombos
Por Redacción |