Cuntis pide fondos á Deputación para mellorar o polígono da Ran e crear un viveiro de empresas
Por Redacción
Todos os grupos da corporación municipal de Cuntis presentes na Comisión de Contas aprobaron solicitar axuda á Deputación provincial para acometer a mellora do polígono industrial da Ran e a creación dun viveiro de empresas.
Ambas as actuacións están valoradas en 998.877,03 euros, polo que se acordou pedir a súa inclusión no plan de investimentos provincial para municipios de menos de 20.000 habitantes.
A intención de Cuntis é que a Deputación financie ata 799.101,62 euros, completando o resto do investimento con fondos propios do Concello (199.775,41 euros).
Despois de que o grupo de goberno presentase este proxecto á Comisión de Contas, agora debe ser aprobado definitivamente no próximo pleno do xoves 14 de setembro.
A obra prevista no polígono industrial da Ran consiste en mellorar os servizos existentes pavimentando o viario principal e os seus entroncamentos con ramais secundarios, pavimentando á súa vez as beirarrúas e reparando os servizos deteriorados parcialmente como a iluminación pública, coa esperanza de aumentar as posibilidades de establecemento de novas empresas.
A outra actuación prevista sería a creación dun viveiro de empresas no antigo edificio da escola de Meira, que actualmente se atopa sen uso.
O proxecto pasa por adecuar as instalacións e que alí se poidan realizar actividades como a xestión administrativa, atención ao público, labores de formación ou diversas actividades empresariais.
Relacionadas:
-
Cuntis acondiciona a escola de Meira para dedicala a viveiro de empresas
Por Oskar Viéitez |
-
Cuntis inicia a contratación da mellora de seguridade viaria do polígono da Ran
Por Oskar Viéitez |
-
Loureiro de Abaixo estrea mellora nos seus accesos
Por Redacción |
-
O alcalde de Cuntis consensúa cos afectados o proxecto de mellora do polígono da Ran
Por Oskar Viéitez |
-
Cuntis acusa á Xunta de "falta de interese" por potenciar o polígono da Ran
Por Redacción |
-
Veciñanza de Cuntis pide á Deputación que apoie o desenvolvemento do Polígono da Ran
Por Redacción |
-
Manuel Campos busca en Madrid desbloquear a situación do polígono da Ran
Por Redacción |