Telmo Martín garante maior seguridade no porto deportivo de Sanxenxo
Por Redacción
O porto deportivo de Sanxenxo contará este verán cunha maior presenza da Policía Local na zona. Así llo prometeu o alcalde, Telmo Martín, aos propietarios dos locais comerciais que están situados nestas instalacións.
Martín, que se entrevistou un por un con todos eles, prometeulles unha maior seguridade e pediulles, pola súa banda, axuda para colaborar na solución dos problemas que se produciron nos últimos tempos.
O obxectivo do encontro era intercambiar opinións en relación aos problemas de seguridade que se produciron nos últimos tempos.
Ambas as partes coinciden en que a movida nocturna forma parte da oferta dun destino turístico e, por tanto, é necesario garantir que se desenvolva en base a criterios de calidade e orde.
Iso si, Telmo Martín matizou que o que hai que facer para que sempre sexa así é actuar sobre as persoas que se comportan de maneira incívica e xeran problemas de orde pública.
Os propietarios, en correspondencia ao esforzo que vai facer o Concello, mostráronse dispostos a colaborar para mellorar a seguridade ao redor da movida nocturna.
Relacionadas:
-
Denuncian 32 persoas na primeira quincena de xullo por ouriñar na rúa en Sanxenxo
Por Redacción |
-
A Praza dos Barcos contará cunha zona de carga e descarga
Por Redacción |
-
A Policía Local de Sanxenxo crea unha brigada para mellorar a seguridade na movida nocturna
Por Oskar Viéitez |
-
Vanessa Rodríguez sinala a Telmo Martín como a orixe do problema de seguridade na movida nocturna no porto
Por Oskar Viéitez |
-
Telmo Martín reforza a seguridade para "evitar que se manche o nome de Sanxenxo"
Por Oskar Viéitez |
-
Telmo Martín pide ao persoal de servizos un esforzo para mellorar a imaxe de Sanxenxo
Por Redacción |
-
Unha reunión coa Policía Local, primeira xestión de Telmo Martín como alcalde
Por Redacción |