Á espera da rehabilitación de Ponte Verdugo para que o Concello da Lama asuma a súa titularidade
Por Redacción
O Concello da Lama asumirá a titularidade de Ponte Verdugo a condición de que a Deputación de Pontevedra acometa o asfaltado da plataforma peonil e o arranxo da zona de estacionamento, ademais de realizar labores de rehabilitación e consolidación do viaduto que, co paso do tempo, presenta importante deficiencias.
A ponte atópase próxima á praia fluvial do río Verdugo e úsase habitualmente polos peóns para cruzar dun lado a outro da área recreativa, sobre todo durante o verán.
Jorge Canda, alcalde da Lama, sinala que antes de asumir a titularidade e o mantemento do viario, a institución provincial debe reparar esta infraestrutura que se atopa en mal estado debido á climatoloxía e ao paso dos anos.