Nega ante o tribunal que pactase o envío dun paquete de 277.546 euros de cocaína
Por Redacción
J.M.G., coñecido como 'Mouriño', sentou este martes no banco dos acusados da Sección Cuarta da Audiencia Provincial de Pontevedra para render contas por un delito contra a saúde pública porque supostamente pactou o envío de dous paquetes con seis quilos de cocaína valorados en 277.546 euros. El defendeu a súa inocencia, pero agora deberá ser o xuíz o que determine se debe condenalo e a oito anos de prisión como solicita a Fiscalía.
O fiscal solicita tamén que o tribunal lle impoña un multa de 277.546,04, o valor que alcanzaría a cocaína no mercado ilícito se non fose interceptada por Vixilancia Aduaneira antes da súa chegada a unha empresa de mensaxería a nome do acusado.
O acusado indicou que se dedica ao transporte de mercadorías cunha furgoneta da súa propiedade e que ten unha empresa ao seu nome deste sector, aínda que no momento dos feitos, en marzo de 2016, non estaba dado de alta en autónomos, non presentaba declaración do IVE, non tiña cartón de transporte, non pertencía a ningunha asociación profesional e non se publicitaba en ningún lugar para a súa actividade.
Respecto diso, explicou que tiña unha experiencia de "32 anos en el transporte" e coñecíao moita xente que lle contrataba traballos. Ademais, polas mañás, desde moi cedo ás 7.00 horas, repartindo pan e pasteis para Panaderías Artesanas de Vigo e polas tardes acudía a unha emprsa de transportes a que lle encargasen entregas.
O fiscal sostén que pactou cunha persoa de nacionalidade brasileira o envío dun paquete vía aérea desde Miami ata o aeroporto de Barajas o 23 de marzo de 2016 e que o recolleu oito días despois nunha empresa de mensaxería de Vigo. O paquete abriuse na súa presenza, pois o envío estivera vixiado por axentes de Vixilancia Aduaneira e, cando foi a recollelo, abrírono.
Había en realidade dúas caixas independentes. No primeiro deles, (que foi o primeiro que se abriu), había unha bolsa de plástico na que aparecía escrito a man a palabra cocaína, e dentro da bolsa 6 paquetes cunha sustancia branca que resultou ser cocaína cun peso neto de seis quilos. No segundo paquete non se localizou droga.
O acusado asegurou que non falara co cidadán brasileiro e que só fixera unha quedada nunha rúa de Vigo para entregar un diñeiro. Sobre os paquetes que chegaron ao seu nome e el foi a recoller, asegura que non sabía o seu contido nin valor, pois "no transporte nunca sabemos o que valen os paquetes" ni tampoco lo que contienen.