Marea Pontevedra propón que a avenida Fernández Ladreda pase a chamarse Manuel Portela Valladares
Por Redacción
Despois da polémica que xerou o cambio de denominación da rúa Javier Puig, agora Marea Pontevedra reclama a retirada do nome da avenida Fernández Ladreda porque entende que incumpre a lei de memoria histórica. A agrupación que lidera Luís Rei propón para esa rúa o nome do político pontevedrés e presidente do goberno da República, Manuel Portela Valladares.
Segundo afirma Luís Rei, Pontevedra é a única das cidades galegas nas que se perpetúa o nome dun ministro da ditadura franquista dentro da nomenclatura da avenida.
José María Fernández Ladreda era desde 1945 un xeneral do exército franquista. Exerceu de procurador nas Cortes da ditadura e anteriormente, segundo apunta Marea Pontevedra, formou parte na trama cívico-militar que organizou o "batallón de voluntarios" que se alzou en Oviedo contra as autoridades. Ademais durante a etapa franquista foi ministro de Obras Públicas.
Luís Rei considera unha anomalía histórica, ética e legal que altos cargos da ditadura do xeneral Franco continúen sendo homenaxeados.
Relacionadas:
-
Propoñen rebautizar Fernández Ladreda como Avenida María Victoria Moreno
Por Alejandro Espiño |
-
Os plenos, ao venres?
Por Alejandro Espiño |
-
O PP quere saber se o de Arnaldo Otegi é un dos nomes que baralla o BNG para rebautizar a rúa Javier Puig
Por Oskar Viéitez |
-
Aplícase correctamente a Lei de Memoria Histórica ao retirarlle a rúa a Javier Puig?
Por Oskar Viéitez |
-
Marea pide cambiar o nome da rúa Javier Puig por su colaboración co réxime franquista
Por Redacción |