O Concello e a Deputación asinarán o mércores o convenio para sanear o Gafos ao que renunciou a Xunta
Por Natalia Puga
O Concello de Pontevedra e a Deputación Provincial asinarán esta semana, o mércores 6 ás 11.00 horas, o convenio de colaboración polo que executarán o saneamento do río dos Gafos entre o límite co termo municipal de Vilaboa e a estación de autobuses. É o proxecto que inicialmente tiña previsto asumir a Xunta de Galicia a través de Augas de Galicia, pero ao que finalmente renunciou ante o "reiterado incumprimento" do Concello da capital.
A Xunta de Goberno da Deputación aprobou o pasado venres o convenio polo que ambas as institucións financian o proxecto ao 50 por cento. Este luns foi a Xunta de Goberno local a que deu o visto e prace. Con ambas as aprobacións, xa se pode asinar o convenio de colaboración e poñer en marcha o proxecto tras anos , pois era unha actuación cofinanciada dentro do marco do programa Operativo Feder Galicia 2007-2013.
Segundo os datos achegados polo portavoz do goberno local, Raimundo González, o convenio inclúe o sanemiento do río dos Gafos e das parroquias de Mourente e Bora. Esta última actuación transcorre paralela á estrada N-541 polos núcleos poboacionais de Carabelos, Pazo e Eirós en Mourente e Leirados en Bora.
Ambos os proxectos xa foron elaborados polo Concello de Pontevedra e o de Mourente está xa en fase de licitación, tan só pendentes de informes técnicos para valorar as ofertas presentadas. No caso do saneamento do río dos Gafos, está pendente de informes de contratación de intervención para saír a licitación.
O proxecto relativo a Mourente está orzado en 987.982,53 euros e o do río dos Gafos en 1.126.174,48 euros, o que implica un gasto total de 2.114,157,01 euros. O Concello e a Deputación asumirano a partes iguais, de modo que o convenio asinarase cunha achega de 1.057.078,50 euros de cada institución.
Relacionadas:
-
Novo paso para facer realidade o proxecto "altamente demandado" do saneamento do Gafos
Por Redacción | Creada e actualizada
-
Os populares critican a tardanza na sinatura do convenio entre a Deputación e o Concello
Por Oskar Viéitez |
-
Deputación e Concello presumen da súa "extraordinaria relación"
Por Oskar Viéitez & Mónica Patxot |
-
A Deputación aproba o convenio para o saneamento de Bora, Mourente e o río dos Gafos
Por Oskar Viéitez |
-
O goberno local pretende que as obras para sanear o río Gafos comecen antes de 2017
Por Redacción |
-
O Concello inicia os trámites para licitar o saneamento dos Gafos sen a Xunta
Por Redacción |
-
O Gafos, sen saneamento: a Xunta dá marcha atrás ante o "reiterado incumprimento" do Concello
Por Redacción |