Errejón asegura que en Podemos non queren ser "palmeros ni figurantes" nun goberno cos socialistas
Por Oskar Viéitez & Diego Torrado
O secretario de Política de Podemos, Íñigo Errejón, chegou este sábado a Pontevedra como unha estrela televisiva á que esperaban moitos simpatizantes políticos para oílo falar e, outros tantos, só para facerse un selfie con el.
Condescendente con estes últimos, o número dous de Pablo Iglesias concentrou o seu discurso nos primeiros que gardaban cola ante o edificio dos sindicatos na rúa Pasantería para escoitar ao político na mesa redonda de clausura das xornadas organizadas por Marea Pontevedra.
Errejón volveu a ofrecer ao Partido Socialista a "mano tendida" do seu partido pero "no para firmar un cheque en blanco",, senón para que haxa un goberno "con garantías de que las cosas no se hacen como en el pasado". E fixo especial fincapé en que Podemos non actuará "como palmeros ni figurantes".
No medio deste "empate histórico" Podemos esixe "compromisos y garantías claras" máis aló do "envoltorio", proclamaba Errejón entre aplausos antes de insistir en que "a ganas de sacar a Mariano Rajoy de la Moncloa no nos gana nadie".
O discurso de Errejón tamén fixo referencias á política galega. Así o esperaba o público e os seus compañeiros de mesa, o portavoz municipal de Marea Pontevedra, Luís Rei; a deputada de En Marea por Pontevedra no Congreso, Ángela Rodríguez ou o alcalde da Coruña por Marea Atlántica, Xulio Ferreiro.
"En Galicia puede haber un gobierno de cambio que encabecen quienes ya recuperaron algunos de los principales ayuntamientos", dixo referíndose ás alcaldías logradas polas Mareas en Santiago, A Coruña e Ferrol.
Con todo, Errejón advertiu que a acción das Mareas debe centrarse no"fortalecimiento, diversificación y profundización de un movimiento popular que asegure una parte de las conquistas institucionales" logradas, "echar raíces en el territorio", resumiu.
A receita de Errejón pasa pola creación de espazos de lecer, culturais e comunitarios "que creen comunidad militante", e a produción de "palabras e símbolos" ao redor dos cales se xere "orgullo de militar en el proceso del cambio".
BESTEIRO
O secretario político de Podemos tamén se referiu á renuncia do secretario xeral do PSdeG, José Ramón Gómez Besteiro, a presentarse ás primarias tras sumar dez imputacións. É unha "victoria colectiva de la sociedad", dixo.
Errejón cre que esta renuncia é posible pola presión que exercen os movementos sociais contra estes feitos xa que os partidos tradicionais teñen "miedo a que le pasen factura en las urnas".
Relacionadas:
-
UGTIN, a vella escola sindical que desapareceu á sombra dunha palmeira
Por Mónica Patxot & Anxo Lourido |
-
Ángela Rodríguez: "En Podemos Galicia estábamos un pouco desconectados da sociedade"
Por Alejandro Espiño & Mónica Patxot |
-
Íñigo Errejón fala de "opnis" en Pontevedra
Por Redacción |
-
Íñigo Errejón participará nunhas xornadas sobre o 15-M en Pontevedra
Por Oskar Viéitez |