98 veciños de Portonovo, 3 asociacións e 3 negocios adhírense á compostaxe comunitaria
Por Redacción
A Concellería de Medio Ambiente presentou xa a proposta de Portonovo para acoller os composteiros comunitarios do programa da Deputación, tras conseguir a adhesión de 98 veciños, tres colectivos (a asociación de veciños San Cristobal, o Club de Xubilados e o ANPA do colexio CEIP Portonovo) e tres negocios (Oh, My Coffee, Maracaibo e Frutas Nieves).
A contorna do parque do Espiñeiro é o lugar elixido, tras acordalo cos veciños, para a localización dun centro de compostaxe que recibirán os restos orgánicos. Nunha zona arborizada e de fácil acceso, os veciños poderán deixar os seus residuos para comezar o proceso de conversión en compost.
A Deputación deberá valorar todos os proxectos presentados polos diferentes concellos da provincia antes de confirmar que Sanxenxo poderá contar cun destes composteiros comunitarios.
A concelleira de Medio Ambiente, Coral González-Haba, agradece a implicación cidadá nesta iniciativa e sobre todo o interese mostrado polos establecementos comerciais. "Confío en que en canto estea a funcionar este centro de compostaxe sexan cada vez máis os establecementos que se somen. Reducir o volume de residuos que se envía aos colectores verdes contribúe a rebaixar o custo da súa xestión e por tanto redunda en beneficio de toda a sociedade". A concelleira de Medio Ambiente espera primeiro que a Deputación aprobe o proxecto e, posteriormente, que cada vez se vaian sumando máis establecementos de hostalería.
Finalmente o Concello de Sanxenxo presenta unha única proposta ao programa da Deputación, ao non atopar en Dorrón unha leira que reúna as condicións necesarias. E é que aínda que nun principio barallouse a posibilidade de situar o composteiro nunha parcela municipal situada xunto ao colexio, esta é de uso exclusivamente educativo polo que finalmente descartouse.
A présa dos prazos marcados pola Deputación dificultou localizar unha localización alternativa, pero a Concellería de Medio Ambiente continúa traballando neste tema, á espera de que a Deputación abra un novo prazo para a presentación de máis candidaturas.
Coral González-Haba quere agradecer aos veciños de Dorrón, interesados no tema da compostaxe, a súa implicación neste proxecto e ínstalles a continuar colaborando conxuntamente de cara ao futuro.
Relacionadas:
-
Sogama dota a Sanxenxo con 30 novos composteiros
Por Redacción |
-
Reparten entre os veciños o compost producido polo módulo comunitario de Portonovo
Por Redacción |
-
Portonovo ampliará o seu composteiro comunitario ante a implicación dos veciños
Por Redacción |
-
Portonovo xa produce o seu propio compost
Por Redacción |
-
Bueu renuncia ao composteiro de Petís ante as protestas dos veciños
Por Redacción |
-
Convocan aos interesados en adherirse ao programa de compostaxe de Portonovo
Por Redacción |
-
Os concellos terán ata finais de xaneiro para solicitar centros de compostaxe comunitarios
Por Redacción |
-
Propoñen situar un composteiro comunitario ao carón do colexio de Dorrón
Por Redacción |
-
Sanxenxo quere instalar en Dorrón o primeiro composteiro comunitario do municipio
Por Redacción |