Anova propón á viguesa Alexandra Fernández como cabeza de lista de En Marea para Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A viguesa Alexandra Fernández foi proposta por Anova para ocupar a cabeza de lista pola provincia de Pontevedra da candidatura En Marea, a coalición electoral que encabezan xunto a Podemos e Esquerda Unida para as próximas eleccións xerais do 20 de decembro.
Alexandra Fernández, que pertence a Anova -partido que se acordou lideraría a candidatura por esta provincia tras a repartición realizada polos membros da coalición-, saíu elixida este venres nas primarias internas que a formación dirixida por Xosé Manuel Beiras realizou para elixir os seus candidatos.
Foi elixida co 67,4 por cento dos votos emitidos, seguida do pontevedrés David Carballal (23,81%) e de José Gómez (8,79%).
Xunto a ela, outra muller ocupará o número dous da lista pontevedresa. Segundo o pactado, corresponde a Podemos, de maneira que a gañadora do proceso interno, Ángela Rodríguez, é o nome proposto para ocupar este posto.
APOIO DE MAREA PONTEVEDRA
Ademais, nas últimas horas, Marea Pontevedra expresou publicamente o seu apoio á coalición En Marea, ao entender que configura a alternativa electoral "máis próxima" á posición política da formación.
Por iso, avanzan que se, a pesar de non presentar candidatos como tal, súmanse á coalición "co fin de asegurar o máximo de votos para esta candidatura e para incidir na súa posterior evolución inclusiva e democrática".