Os ciclistas propoñen a entrada de vehículos pesados a Ence pola avenida de Marín
Por Redacción
A agrupación ciclista Masa Crítica mantivo unha reunión este mércores na sede de Marea Pontevedra con representantes desta formación política para tratar as diferentes preocupacións que se encontran os ciclistas no ámbito da cidade e, principalmente, tras a prohibición de circular pola avenida de Marín.
Neste sentido, ambos os dous colectivos coincidiron na necesidade de reducir o número de vehículos pesados que transitan pola estrada vella de Marín, a PO-546, a única alternativa coa que contan para acceder a esta vila. Por este motivo, propoñen que se cree un terceiro carril dende a depuradora ata Ence para que poidan acceder os vehículos pesados pola PO-11, a avenida de Marín.
Manuel Torres, de Masa Crítica, indicou que os representantes de Ence se mostraron de acordo con esta proposta na reunión que mantiveron con eles ao indicar que contan cunha báscula situada fronte á ría para que poidan acceder por esa zona os camións.
PONTE DA BARCA
Por outra parte, o colectivo ciclista tamén solicita unha solución para a circulación ciclista pola ponte da Barca e polo nó de Poio. Entenden que a mellor opción sería eliminar un carril de vehículos na ponte ou establecer unha beirarrúa para peóns e outra para crear un carril-bici para facilitar o tránsito. Tampouco descartan a pasarela alternativa sobre as bases da antiga ponte ferroviaria, proposta polo PP.
Os representantes de Masa Crítica manterán en setembro novas reunións, entre as que destacan un encontro co xefe territorial da Xunta de Galicia.
Relacionadas:
-
A Xunta estuda a cesión parcial ao Concello da estrada vella de Marín
Por Oskar Viéitez |
-
O PP 'salta' á Xunta e insta o Concello a pedir a cesión da estrada vella a Marín e humanizala
Por Redacción |
-
O colectivo ciclista agradece o acordo político para mellorar a súa seguridade viaria
Por Oskar Viéitez |
-
Marea esixe a reforma integral da vella estrada a Marín e o traslado do tráfico pesado á PO-11
Por Redacción |
-
Reducir a velocidade a 50 km/h na PO-11 rebaixaría o risco de morte por impacto a un ciclista do 95 ao 45%
Por Cristina Saiz & Anxo Lourido |
-
Masa Crítica pide que a "autovía" de Marín se limite a 50 km/h. para que volvan circular os ciclistas
Por Redacción |