Vinte perceptores de Risga serán contratados polo Concello durante sete meses
Por Redacción
O Concello de Pontevedra está a tramitar a contratación de 20 persoas perceptoras da Renta de Integración Social de Galicia (Risga) durante sete meses para distintos servizos municipais: xardíns, cemiterios e obras.
A Concellaría de Benestar Social Municipal acolleuse ao programa marco da Xunta de Galicia que ten por obxectivo aliviar a situación dos perceptores de Risga nos concellos. A Xunta puxo en marcha este programa o pasado ano unha vez que foi denunciada polo Concello de Pontevedra a demora na tramitación dos expedientes que estaban a sufrir os perceptores de Risga.
O Concello de Pontevedra contratará a 20 persoas perceptores de Risga que estarán a traballar nas dependencias municipais nun prazo de tres semanas. A Concellaría de Benestar Social Municipal está á espera de que o Inem lle facilite a listaxe de perceptores para facer unhas pequenas probas e coñecer os carnés e permisos de distinto tipo do que poidan dispoñer, para facer a selección final dos escollidos.
Estes novos colaboradores municipais traballarán un 75% da xornada laboral, durante sete meses, e terán unha remuneración aproximada aos 900 euros.
Relacionadas:
-
Pontevedra volverá contratar 20 persoas perceptoras da Risga para traballar en obras e xardíns
Por Natalia Puga |
-
Un traballo, "a verdadeira inclusión" para os perceptores da Risga
Por Redacción |
-
A Fundación Amigos de Galicia potencia un programa de orientación laboral en Pontevedra
Por Redacción |
-
Os perceptores da Risga xa están a traballar nas brigadas de xardíns, obras e cemiterios
Por Redacción |
-
Máis de 425.000 euros para contratar a 45 perceptores da Renda de Inclusión Social na comarca
Por Redacción |
-
O BNG esixe á Xunta que resolva os atrasos na tramitación da Risga
Por Oskar Viéitez |