O sector turístico pontevedrés recolle en Fitur os seus distintivos 'Q de Calidade'
Por Redacción
A Feira Internacional de Turismo (Fitur) foi o escenario escollido para celebrar o acto de entrega dos distintivos Q de Calidade, un dos recoñecementos máis importantes para establecementos e destinos turísticos de todo o país. E nel, a provincia de Pontevedra tivo un protagonismo destacado.
A entrega destas distincións e placas tivo lugar no Auditorio Sur de Fitur e estivo presidido pola secretaria de Estado de Turismo, Isabel Borrego Cortés, e do presidente do Instituto para a Calidade Turística Española, Miguel Mirones Díez.
Entre outros galardonados, a Deputación de Pontevedra recolleu os primeiros distintivos de calidade que se conceden a unhas oficinas turísticas de Galicia. Trátase, en concreto, das dúas dependentes de Turismo Rías Baixas, situadas no palacete das Mendoza (Pontevedra) e no mosteiro da Armenteira.
Ademais, a alcaldesa de Sanxenxo recolleu as distincións correspondentes ás praias de Silgar, Areas e Canelas e ao Porto Deportivo Juan Carlos I. Actualmente, Sanxenxo é o municipio galego con maior número de certificaciones Q de Calidade.
Tamén acudiu a Madrid para recoller o seu Q de Calidade, entre outros, o cociñeiro pontevedrés Iñaki Bretal, cuxo restaurante O Eirado da Leña foi un dos establecementos recoñecidos.
Relacionadas:
-
As Rías Baixas promocionaranse como destino turístico nos Museos Gugenheim, Reina Sofía e Serralves de Oporto
Por Redacción |
-
Fitur, escenario para promover a fidelización de turistas procedentes de Alemaña, Reino Unido e Noruega
Por Redacción |
-
As oficinas de turismo do Palacete das Mendoza e Armenteira gañan o distintivo "Q" de Calidade
Por Redacción |
-
Certificado nacional 'Q de calidade' para Silgar, Areas e Canelas
Por Redacción |