O persoal de Cleanet na Brilat e na Escola Naval secunda un paro dunha hora
Por Redacción
O persoal de Cleanet en Pontevedra secundou na súa práctica totalidade -coa única excepción dunha traballadora- o paro dunha hora convocado no servizo de limpeza das instalacións militares da comarca de Pontevedra para reclamar que se lles abonen os salarios pendentes.
As afectadas aproveitaron para realizar unha concentración de protesta ás portas da Brilat en Figueirido e da Escola Naval en Marín.
Dende a federación de Servizos da CIG de Pontevedra explicaron que foron as propias traballadoras as que decidiron recentemente en asemblea a convocatoria dos paros dunha hora de duración para amosar o seu rexeitamento ao plan de pagos pactado entre a empresa concesionaria e o Ministerio de Defensa porque atrasa aínda máis o cobro dos soldos pendentes.
As afectadas aproveitaron a folga para levar a cabo ás once da mañá unha concentración de protesta ás portas da Brilat en Figueirido, mobilización á que se sumaron as traballadoras da residencia e das instalacións deportivas militares de Campolongo. A continuación, a protesta trasladouse ás portas da Escola Naval de Marín.
As traballadoras están convocadas a unha nova asemblea que se celebrará a vindeira semana para decidir e organizar as vindeiras mobilizacións, coa vista posta na próxima celebración da festividade da Inmaculada, patroa da Brilat.
Relacionadas:
-
O persoal de Cleanet reclamará tres salarios pendentes diante do Ministerio de Defensa en Madrid
Por Redacción |
-
Os traballadores de Cleanet seguen sen cobrar tres nóminas e farán folga o luns
Por Redacción |
-
Beatriz Mato presionará a Defensa no conflito das traballadoras de Cleanet
Por Oskar Viéitez |
-
Protesta do personal de limpeza na Brilat coincidindo coa festividade militar
Por Redacción |
-
Subdelegación pide ás traballadoras de Cleanet que anulen as protestas ante a Brilat o día da patroa
Por Oskar Viéitez | Creada e actualizada
-
Os traballadores de Linorsa decidirán este venres se inician unha folga de limpeza nos centros de saúde
Por Redacción |
-
As limpadoras dos centros de saúde e administración de Xustiza sopesan ir á folga
Por Oskar Viéitez & Mónica Patxot |
-
Os traballadores da limpeza da Brilat e da Escola Naval de Marín estudan protestas ante os impagos
Por Redacción |
-
Os traballadores de Cleanet desconvocan a folga
Por Oskar Viéitez |