As obras de ampliación do Hospital do Salnés comezarán antes de 2015
Por Redacción
A conselleira de Sanidade, Rocío Mosquera, afirmou no Pleno do Parlamento celebrado este mércores 12 que as obras do Hospital do Salnés se iniciarán antes de que finalice o ano, unha vez formalizado o contrato de adxudicación, e se executarán de forma que interfiran o mínimo posible na organización interna do centro. A titular da sanidade galega afirmou que, durante os traballos, se garantirá en todo momento a prestación da asistencia sanitaria.
A obra iniciarase coa execución do novo vial de acceso e o desvío dunha liña de media tensión e de gas, así como outras redes. A continuación executaranse as instalacións para as novas urxencias, un bloque obstétrico e parte do novo bloque cirúrxico, ademais da posta en marcha dos coidados postcirúrxicos, adaptación ao medio e o hospital de día.
Unha vez que están operativas as novas áreas, procederase ao traslado dos servizos afectados que deixarán espazos libres dentro da actual superficie do centro hospitalario comarcal. A ampliación contempla zonas que representan unha superficie asistencial de 4.157 m2. Cando finalice o proxecto, poñerase en marcha o hospital de día.
A conselleira indicou que o prazo de execución dos fondos Feder cos que se asume o 57% do importe da obra se executarán na súa totalidade no ano 2015.
Relacionadas:
-
A ampliación do Hospital do Salnés evoluciona segundo os prazos previstos
Por Redacción |
-
A Xunta compromete que a ampliación do Hospital do Salnés estará rematada a finais de 2016
Por Redacción |
-
Dragados asina o contrato para realizar a obra de ampliación do hospital do Salnés
Por Redacción |
-
Sanidade adxudica á empresa Dragados as obras de ampliación do Hospital do Salnés
Por Redacción |
-
Vilagarcía outorga licenza municipal para ampliar o Hospital do Salnés
Por Redacción |
-
Rematarán as obras de ampliación do Hospital do Salnés a finais de 2015?
Por Redacción |