O Estado recorre a sentenza que avalou a paga de productividade do Concello de Pontevedra
Por Redacción
O Concello de Pontevedra recibiu este luns o recurso de apelación presentado polo Avogado do Estado contra o pago da paga de productividade abonada aos traballadores municipais en novembro de 2012.
Nunha primeira valoración, o concelleiro de Réxime Interior, Vicente García Legísima explicou que "se o recurso primitivo foi político, esté é moito máis político que o anterior", tendo en conta que a sentenza de primeira instancia si entra no fondo do asunto ao deixar claro que o Concello pagou a paga de productividade e que deixou apartada no orzamento municipal a contía a fixada para o pago da paga extra de Nadal.
Fronte a esta afirmación, o recurso do Avogado do Estado entende que o xulgado do Contencioso non entra no fondo do asunto.
Será o Tribunal Superior de Xustiza de Galicia o que resolva este recurso onde se reclama o reintegro das cantidades aboadas aos funcionarios municipais.
CRÍTICAS DE CC.OO.
O sindicato Comisións Obreiras (CC.OO.), a través dun comunicado, expresa o seu malestar con esta decisión por parte do Estado e apunta que "parece que o obxectivo do Goberno do Estado, capitaneado por un Presidente da cidade de Pontevedra, é que os seus conveciños/as e amigos/as empregados/as do Concello, reintegren o complemento de produtividade cobrado, e para iso non contentos coa campaña mediatica efectuada no seu día, pretenden poñer todos os recursos da administacción de Estado para buscar unha vitoria política que unicamente prexudicase a un colectivo de traballadores/as". E neste sentido, engaden que " se esa preocupación que mostra cos nosos salarios, o tivesen en perseguir aos que se 'levan calentito' os fondos das administracciones, tal e como se demostra cos numerosos casos de corrupción abertos en toda a xeografía española, os recortes efectuados aos traballadores/as públicos non serían necesarios".
O sindicato finaliza o escrito amosando o seu apoio ao Goberno local de Pontevedra "na defensa da legalidade do pagamento de produtividade efectuado no ano 2012"
Relacionadas:
-
O PSOE critica a "incontinencia verbal" do alcalde en relación coa sentenza das "pagas extra"
Por Redacción |
-
Os sindicatos ven inxusta a sentenza das pagas extra e agardan non ter que devolver o diñeiro
Por Redacción |
-
O TSXG obriga a máis da metade dos funcionarios que cobraron a 'paga extra' a devolver os cartos
Por Alejandro Espiño |
-
O Concello deberá pagar ao persoal laboral unha parte da paga extra suprimida polo Goberno en 2012
Por Redacción |
-
Os funcionarios municipais de Pontevedra poderían cobrar ata tres veces a extra de decembro
Por Oskar Viéitez |
-
O Concello gaña a sentenza das 'pagas extra' e Moreira asegura sentirse "satisfecho"
Por Redacción |
-
Insisten na "absoluta transparencia" municipal na tramitación da compensación da paga extra
Por Alejandro Espiño |