Máis de medio millar de persoas seguirán unha conferencia da Policía Nacional sobre riscos e adiccións en internet
Por Redacción
Este mércores 28 de febreiro, entre as 10.30 e as 11.30 horas, o centro universitario da UNED en Monte Porreiro (Pontevedra) será escenario dunha conferencia sobre adiccións e riscos relacionados con internet.
Segundo indican desde a UNED, máis de medio milleiro de persoas seguirán presencialmente e tamén en liña, en directo ou en diferido, esta conferencia que correrá a cargo de Miguel Vaamonde García, inspector do Corpo Nacional de Policía; Antón Méndez González, oficial; e Olalla Ríos Tesouro, axente da Policía Nacional.
Víctor M. González Sánchez, director do Centro Asociado en Pontevedra e do Campus Noroeste da UNED, será o encargado de realizar a presentación.
A conferencia inclúese no Plan Director que desenvolve o Ministerio do Interior a través da Policía Nacional e da Garda Civil.
Rafael Cotelo Pazos, coordinador de Extensión Universitaria e Actividades Culturais da UNED, indica que se darán a coñecer os recursos policiais para previr a delincuencia e protexer ás vítimas no uso telemático. Tamén contribuirán a formar no respecto ás liberdades fundamentais e nos valores de dignidade e igualdade entre homes e mulleres.
Ao longo das intervencións tratarase o control do tempo en redes sociais, a protección da privacidade e as actividades delituosas máis frecuentes en redes.
Relacionadas:
-
Seis de cada dez centros educativos da provincia de Pontevedra solicitaron charlas das forzas de seguridade
Por Oskar Viéitez |
-
A UNED inicia esta semana outra edición da escola de pais e educadores
Por Redacción |
-
A UNED comeza este mes un curso de programación para aprender a construír o teu propio sistema operativo
Por Redacción |
-
A Policía explica as cinco claves para realizar compras seguras na internet
Por Oskar Viéitez |
-
Un "timo do amor" con base en Cambados: finxen ser un piloto e estafan máis de 150 persoas
Por Redacción |
-
Un pontevedrés, investigado nunha operación da Garda Civil por delitos contra a saúde pública, estafa e furto
Por Redacción |
-
Resolven unha estafa de falsos seguros de coche a través de internet con vítimas en Marín
Por Redacción |
-
Así se loita contra a ciberdelincuencia en Pontevedra: con máis axentes e o aumento de delitos estabilizado
Por Natalia Puga & Mónica Patxot |