As mulleres farmacéuticas serán homenaxeadas en Marín neste 8 de marzo
Por Oskar Viéitez
As mulleres farmacéuticas, un colectivo que no pasado estaba copado polos homes e que a día de hoxe está maioritariamente representado por mulleres, serán homenaxeadas en Marín o vindeiro 8 de marzo Día Internacional da Muller.
Nesta cuestión e noutras que se incluirán no manifesto institucional estiveron a traballar as integrantes do Consello Municipal da Muller, que se reuniron recentemente para establecer as liñas que se queren incluir na declaración que se lerá no acto que se celebrará no Salón de Pleno.
As claves sobre as que se sustentará esa declaración e as actividades que se organicen darán vsibilidade o valor das mulleres, reivindicarán o seu espazo igualitario na sociedade e a necesidade de rachar cos teitos de cristal cos que aínda hai que lidiar a nivel profesional.
Rematada a reunión do Consello, todas as súas integrantes mantiveron un minuto de silencio na escalinata de entrada do Concello para honrar ás mulleres asasinadas pola violencia machista e para evidenciar que esta segue a ser unha lacra social.
Relacionadas:
-
Trece lenzos para reivindicar o traballo da muller no mundo do mar
Por Redacción |
-
Reyna, acróbata da orquestra Panorama, estrela para conmemorar o 8M en Barro
Por Anxo Lourido |
-
Actividades de concienciación e visibilización para conmemorar o 8M en Marín
Por Redacción |
-
A Fiscalía pide máis de 25 anos de cárcere para un traballador de axuda a domicilio
Por Oskar Viéitez |
-
Teresa Portela, premiada por Executivas de Galicia como embaixadora do deporte e da igualdade
Por Oskar Viéitez |
-
Detido un home de 40 anos por empuxar a súa parella provocando que caera polas escaleiras
Por Redacción |