Reyna, acróbata da orquestra Panorama, estrela para conmemorar o 8M en Barro
Por Anxo Lourido
O 8 de marzo, Día Internacional da Muller, Barro contará cunha "orixinal actividade" programada pola concellería de Igualdade, que dirixe Lía Rodríguez.
Esa gran novidade chegará ás 21.30 horas no Pazo da Crega cunha acción lúdica que se celebrará baixo o título de 'As mulleres de Barro... bailamos, voamos!', un espectáculo que contará coa actuación de Reyna, a acróbata da orquestra Panorama.
Esta bailarina realizará unha representación aérea na corda, con arco e lume, acompañada por Mala Pécora, como parte musical.
O evento, segundo o Concello, contará con servizo de bar, adxudicado á comisión de festas da Portela, coa intención de que recade fondos para as súas actividades.
A concelleira socialista Lía Rodríguez afirma que a intención do acto é poñer en valor o empoderamento feminino nas artes escénicas: "o obxectivo dos actos organizados, de carácter reivindicativo e lúdico, é promover a reflexión sobre os estereotipos e micromachismos que persisten na conciencia colectiva, especialmente preocupantes cando se observa entre a mocidade".
A edil convida á veciñanza a participar e defender a igualdade de oportunidades entre mulleres e homes. A xornada iniciarase coa lectura do manifesto e as actividades de concienciación dirixidas ao alumnado do IES de Barro.
Relacionadas:
-
Barro recupera un antigo lavadoiro en Agudelo
Por Redacción |
-
O Edificio Castelao acolle un seminario no que se revisarán os estereotipos ligados á muller na historia da arte
Por Redacción |
-
As costureiras do municipio protagonizan os actos do Día da Muller en Soutomaior
Por Redacción |
-
Organizan unha xornada formativa centrada nas mulleres estranxeiras vítimas de violencia de xénero
Por Redacción |
-
Carmen Babiano, primeira protagonista da segunda colección de 'Aquí faltan páxinas'
Por Redacción |
-
As mulleres farmacéuticas serán homenaxeadas en Marín neste 8 de marzo
Por Oskar Viéitez |