O XIII Trofeo Cidade de Pontevedra de Baile Deportivo contará coas mellores parellas de España e Portugal
Por Redacción
O Pavillón Municipal dos Deportes de Pontevedra será escenario o próximo domingo, día 1 de decembro, do XIII Trofeo Cidade de Pontevedra de Baile Deportivo, coa presenza das mellores parellas de España e Portugal.
Entre as preto de 120 parellas que se espera participen encóntranse os locais Adrián Esperón e Patricia Martínez, actuais campións de España de Standard e 10 Bailes e que recentemente lograron o vixésimo cuarto posto no Campionato do Mundo de Estándar disputado en Kiev.
A competición, organizada polo Club de Baile Deportivo Pasos, é puntuable para o ranking nacional nas modalidades de Standard (Valse Inglés, Tango, Valse Vienés, Slow Fox e Quickstep) e Latinos (Samba, Cha-cha, Rumba, Pasodobre e Jive).
As entradas para o evento, que arrancará ás 13:00 horas, fixáronse nos 6 euros, con desconto de tres euros pata os maiores de 65 anos e entrada gratuíta para os nenos menores de 12 anos.