O Natación Galaico deixa a incerteza de lado para competir en Cádiz no Nacional Infantil
Por Redacción
O Club Natación Galaico vive estes días nun mar de dúbidas, tras o sorpresivo peche da piscina olímpica de Rías do Sur. Non en balde era o lugar de adestramento dos seus case 300 deportistas federados entre as diferentes categorías, e aínda por riba no horizonte aparecen grandes campionatos e obxectivos deportivos.
De feito a competición non se detén e coma se dun oasis tratásese unha delegación do Galaico, tentando ser o máis allea posible á situación e mentres os dirixentes tratan de atopar novos espazos e horas de auga para exercitarse, desprazouse a fin de semana a Cádiz para participar no Campionato de España Infantil de Inverno.
Alí, acompañadas do director técnico Diego Pérez, estiveron Paula Fariña, Sofía Barros e Gisèle Rocha conseguindo resultados notables mellorando en varios casos as súas marcas.
O calendario máis completo afrontouno Sofía Barros ao participar nos 200, 400 e 800 Libre, logrando nos 400 o seu mellor resultado cun sétimo posto entre as deportistas do ano 2009 rebaixando o seu mellor rexistro persoal. Pola súa banda Paula Fariña quedou a só un posto de acceder á final dos 200 estilos, mentres que Gisèle Rocha competiu na proba de 800 Libre.
Relacionadas:
-
O Natación Galaico dá o callo no Campionato de España en Augas Abertas
Por Redacción |
-
Dous récords galegos e tres postos de finalista, balance do Natación Galaico no Campionato de España Open
Por Redacción | Creada e actualizada
-
O Natación Galaico ponse a ton en Póvoa de Varzim
Por Redacción |
-
O Galaico despide o 2021 desde o máis alto da natación galega
Por Redacción |