Luci, unha campioa de liga e de Europa como primeira fichaxe do Poio Pescamar
Por Diego Espiño
Importante paso o dado polo Poio Pescamar na confección do plantel co que aspira a dar un paso á fronte na Primeira División de fútbol sala que lle permita pelexar por títulos a próxima tempada.
O conxunto vermello, que xa deixara pechadas as renovacións do núcleo duro do equipo, confirmou este martes a súa primeira fichaxe, e fíxoo cunha futbolista de prestixio.
Trátase de Lucía Gómez 'Luci', ala zurda que as dúas últimas tempadas militou no Burela levantando trofeos da importancia da Copa da Raíña, a Recopa, a Supercopa de España e recentemente a Liga de Primeira División no play- off celebrado en Málaga.
Luci é ademais internacional coa Selección Española, coa que gañou a Eurocopa na que tamén participou a pontevedresa Silvia Aguete, nova compañeira no Poio.
Desta forma o novo adestrador do equipo conserveiro, Manu Cossío, conta cunha peza máis no plantel á espera de, posiblemente, outras dúas fichaxes que pretende acheguen un salto de calidade.
Ata a data con Luci están confirmadas para o novo proxecto do Poio Pescamar xogadoras como Silvia Aguete, Carol Agulla, Antía Pérez, Caridad, Daniella Sousa, Ana Rivera e Mirian Ruiz.
JENNY LORES DESVINCÚLASE DO BURELA
Este movemento do Poio Pescamar coincide co final da etapa en Burela dunha das súas ex-futbolistas e tamén internacional, a pontevedresa Jenny Lores, despois dun ano defendendo as cores do equipo da Mariña co que se proclamou campioa de liga. O seu próximo destino será o Ourense Envialia.
Relacionadas:
-
"Mejorar los resultados de la temporada pasada", obxectivos do Poio Pescamar para unha nova campaña sen data de inicio
Por Almu Dapena |
-
Iraia Arbeloa, segunda fichaxe do Poio Pescamar
Por Redacción |
-
A RFEF profesionaliza a primeira división do fútbol sala femenino, un paso adiante para o Poio Pescamar
Por Manu Otero |
-
Ana Rivera e Mirian Ruiz completan a rolda de renovacións no Poio Pescamar
Por Redacción |
-
O Poio Pescamar blinda a súa portería para a próxima campaña
Por Manu Otero |
-
Antía Pérez, do Poio Pescamar, preparada para volver á cancha tras a súa operación de xeonllo
Por Redacción |
-
Iria Saeta, primeira saída nun Poio Pescamar que empeza a planificar a próxima tempada
Por Diego Espiño |