Apoio municipal para o equipo cadete do Club As Triscas de ximnasia
Por Redacción
As compoñentes do equipo cadete de mazas do Club de Ximnasia As Triscas de Pontevedra foron obxecto este mércores dunha recepción oficial no Concello.
O concelleiro de Deportes, Tino Fernández, explicou que o encontro se realiza "xesta obtida o pasado día 6 de outubro no Campionato Galego celebrado en Ourense, no que se proclamaron vencedoras e conseguiron a clasificación para o Campionato de España coa mellor nota".
Paula Gavilanes, Paula Palacios, Carla Filgueira, Lida Barrio e Marta Vicente forman equipo desde o ano 2016, en categoría infantil, cando se proclamaron campioas autonómicas e provinciais. Ademais o pasado ano, no seu primeiro como cadetes, colgaron a prata no Campionato Galego.
Agora o equipo pontevedrés prepárase para vivir a súa primeira experiencia nun Campionato de España, competición que afrontarán entre o 5 e o 10 de novembro en Pamplona.