O Pavillón Municipal dos Deportes loce a súa nova pista
Por Redacción
Aínda que con algo de atraso con respecto aos prazos inicialmente previstos, por unha demora na entrega por parte da empresa provedora, o Pavillón Municipal dos Deportes presume de nova superficie de xogo.
A pista de cor azul foi adquirida polo Concello para amoldarse ás esixencias das competicións nacionais e internacionais de balonmán que se van a celebrar en Pontevedra proximamente, como o Torneo Internacional Memorial Domingo Bárcenas de seleccións, o Campionato de España por Autonomías ou o Mundial Junior de 2019.
Ademais coa nova pista cúmprense os requisitos establecidos pola Liga Asobal para os partidos televisados, cuxo incumprimento xa supuxo hai dúas tempadas unha sanción á Sociedad Deportiva Teucro.
Operarios do Servizos Municipal de Deportes concluíron este martes os traballos de montaxe da superficie, co marcado das liñas regulamentarias para as competicións de balonmán e tamén de fútbol sala.
Colocada a pista de xogo recupérase a actividade habitual no pavillón, con adestramentos dos equipos ao longo da semana e á espera das súas primeiras competicións oficiais o vindeiro sábado, cun encontro de fútbol sala feminino entre Leis e Viaxes Amarelle e outro de balonmán co Teucro-Benidorm da Liga Asobal.
Relacionadas:
-
Sufrimento con final feliz para Condes de Albarei Teucro fronte o Benidorm (27-26)
Por Ramiro Espiño & Diego Torrado |
-
O Condes de Albarei Teucro recibe ao Benidorm nun partido "que todos saben que es importante"
Por Diego Espiño |
-
O Condes de Albarei Teucro, cun ollo posto no mercado de fichaxes
Por Diego Espiño | Creada e actualizada
-
Comeza a instalación do pavimento deportivo sintético no Pavillón dos Deportes
Por Redacción |
-
Arxentina e Bielorrusia completan o cartel do Memorial Domingo Bárcenas que se xogará en Pontevedra
Por Diego Espiño |
-
España e Polonia, primeiras seleccións confirmadas para o Memorial Domingo Bárcenas de balonmán en Pontevedra
Por Diego Espiño |
-
Pontevedra e Vigo, confirmadas como sede do Mundial Junior de Balonmán 2019
Por Diego Espiño |