Adrián Esperón e Patricia Martínez alcanzan as semifinais nos Xogos Mundiais
Por Redacción
Ata semifinais. É a rolda que alcanzou a parella pontevedresa Adrián Esperón e Patricia Martínez na modalidade estándar de baile deportivo nos Xogos Mundiais que se celebraron en Wroclaw (Polonia).
Esta competición reúne deportes non olímpicos que, como o baile deportivo, están recoñecidos polo Comité Olímpico Internacional (COI) e celébrase, tradicionalmente, o ano posterior ás olimpíadas.
Adrián Esperón e Patricia Martínez, tras superar a primeira fase da competición, alcanzaron as semifinais. Acabaron no posto 14 tras bailar tango, vals, vals vienés, quickstep e slow foxtrot
Ao remate da competición ambos se mostraron moi contentos polo resultado ante o gran nivel que había na proba deportiva.
Os dous celebraron este resultado no aeroporto de Peinador, en Vigo, onde foron recibidos por sorpresa por familiares, amigos e alumnos da parella.
Relacionadas:
-
Adrián Esperón e Patricia Martínez pasan ao profesionalismo
Por Redacción |
-
Clases de baile para dinamizar a Zona Monumental
Por Redacción |
-
Recepción provincial a Adrián Esperón e Patricia Martínez antes da súa participación nos World Games
Por Redacción |
-
Adrián Esperón e Patricia Martínez, recibidos pola secretaria xeral para o deporte
Por Redacción |