O Campionato de España de Motocrós Freestyle fai parada en Pontevedra
Por Redacción
O espectáculo do motocrós frestyle aterrará en Pontevedra o vindeiro sábado 17 de xuño.
É a data na que se celebrará na praza de touros da cidade de Lérez a segunda proba do Campionato de España da especialidade.
As vertixinosas e arriscadas piruetas dos pilotos participantes serven de reclamo para a competición organizada pola Escuadra Ciudad del Sol e que comezará ás 22:00 horas.
Entre os pilotos confirmados atópase o actual campión de Europa e do Mundo de 'Nigth of the Jumps', Maikel Melero, o campión das Red Bull X-Fighters Dany Torres ou Pedro Moreno, tres veces campión nacional. Ademais completan o cartel pilotos como Miguel Espada, Rayco Díaz, Samuel Calzado e Pablo Rodríguez.