Tono Campos e Jenifer Casal, campións de España de piragüismo maratón
Por Alejandro Espiño
Dobre éxito para o piragüismo pontevedrés. Tono Campos (Breogán do Grove) e Jenifer Casal (Ciudad de Pontevedra) proclamáronse campións de España de piragüismo maratón, na proba que se está celebrando esta fin de semana en Alange (Badaxoz).
Tono Campos era o gran favorito ao triunfo final na proba de C-1 e cumpriu coas expectativas. Fíxoo para confirmar que xa está totalmente recuperado da súa lesión que lle mantivo varios meses sen poder adestrar. Gañou cun tempo de 2:11:32.800.
Manuel Garrido, do Kayak Tudense, foi segundo. O tudense disputoulle a vitoria ata a última volta. No terceiro posto entrou José Luis Bouza, tamén do Kayak Tudense, na súa primeira regata na especialidade de maratón.
Pola súa banda, Jenifer Casal foi a gran dominadora da proba feminina de C-1. Cruzou a liña de meta tras completar a carreira cun tempo de 1:56:26.270. Foi 3 minutos e 16 segundos máis rápida que a segunda clasificada, Lara Outón (Breogán do Grove).
Ademais, Emilio Llamedo, do Kayak Tudense, proclamouse campión de España na especialidade de K-1 de maratón ao superar por menos dun segundo ao seu compañeiro de equipo Iván Alonso. O terceiro foi Luis Pérez, do Club Ribadesella de Asturias.
O Breogán do Grove obtivo unha segunda vitoria. Foi grazas a Tania Álvarez Iates, que foi a gañadora na proba sub-23 de K-1.
Tamén colgou unha medalla, neste caso de prata, Damián González (Verducido). Foi segundo no C-1 sub-23, tras ser superado por tan só oito segundos polo madrileño Ignacio Calvo. O club pontevedrés sumou ademais o bronce de Joaquín Iglesias en K-1 cadete.
Na xornada deste domingo disputaranse os barcos dobres. Entre outros, competirá a parella formada polo pontevedrés Óscar Graña e Ramón Ferro, como é habitual, na proba de C-2.
Relacionadas:
-
Tono Campos e José Manuel Sánchez revalidan o seu título de campións europeos de piragüismo maratón
Por Redacción |
-
Tono Campos e Jenifer Casal, primeiras medallas pontevedresas no Europeo de piragüismo maratón
Por Redacción |
-
O Europeo de Maratón en Portugal, reto para o piragüismo pontevedrés
Por Redacción |
-
Verducido acolle a súa primeira gran competición do ano de piragüismo en pista
Por Diego Espiño |
-
Tripla medalla pontevedresa na Copa do Mundo de Piragüismo de Montemor O Velho
Por Redacción |
-
Óscar Graña e Ramón Ferro agrandan a súa lenda co seu décimo título nacional de piragüismo maratón
Por Redacción |
-
O Ciudad de Pontevedra, profeta na súa terra na Copa de España de piragüismo maratón
Por Redacción & Diego Torrado |
-
Óscar Graña e Ramón Ferro reflexionan sobre o seu futuro: "Ya son muchos años en la élite"
Por Redacción |
-
O pontevedrés Óscar Graña e o arousán Ramón Ferro colgan a prata no Mundial de piragüismo maratón
Por Redacción |
-
Tono Campos repite en Brandemburgo subcampionato do Mundo de piragüismo maratón
Por Redacción |