Óscar Graña e Ramón Ferro agrandan a súa lenda co seu décimo título nacional de piragüismo maratón
Por Redacción
Non cansan de gañar medallas. O pontevedrés Óscar Graña e o arousán Ramón Ferro (Kayak Tudense), seguen ampliando o seu xa extenso palmarés deportivo despois de proclamarse, por décima vez na súa carreira deportiva, campións de España de Piragüismo Maratón en C-2.
Fixérono na competición celebrada esta fin de semana en Alange (Badaxoz), co premio de lograr a súa clasificación para os próximos Campionatos de Europa e do Mundo da especialidade.
Graña e Ferro impuxéronse en meta tras unha dura pugna cos que son os seus grandes rivais nos últimos anos, os grovenses Tono Campos e José Manuel Sánchez (Breogán), que lograron tamén o billete para Europeo e Mundial e aos que avantaxaron en só 5 segundos despois de máis de dúas horas de regata. Terceiros foron Miguel Fernández e Adrián Fernández (Breogán).
Outro dos protagonistas da xornada nas probas dobres foi o pontevedrés Álvaro Fernández Fiuza no K-2 xunto ao seu compañeiro Walter Bouzán. Ao non ser do mesmo club non computaron para o Campionato de España, pero si lograron a súa clasificación internacional ao ser primeiros na clasificación.
No K-2 a sorpresa da xornada protagonizárona Iván Alonso e Diego Piña (Kayak Tudense), actuais campións de Europa e que non poderán loitar por revalidar o seu título despois de levar no Nacional a medalla de prata (terceiros en meta).
Tamén se proclamaron campións de España na segunda xornada da competición David Mochales e Carlos Canón (Illa de Arousa) na categoría C-2 Junior.
Relacionadas:
-
Os incansables Óscar Graña e Ramón Ferro, prata no Mundial de Sudáfrica
Por Redacción |
-
A armada pontevedresa de piragüismo maratón, lista para o Mundial de Sudáfrica
Por Redacción |
-
Tono Campos e José Manuel Sánchez revalidan o seu título de campións europeos de piragüismo maratón
Por Redacción |
-
Tono Campos e Jenifer Casal, primeiras medallas pontevedresas no Europeo de piragüismo maratón
Por Redacción |
-
O Europeo de Maratón en Portugal, reto para o piragüismo pontevedrés
Por Redacción |
-
Verducido acolle a súa primeira gran competición do ano de piragüismo en pista
Por Diego Espiño |
-
Tripla medalla pontevedresa na Copa do Mundo de Piragüismo de Montemor O Velho
Por Redacción |
-
Tono Campos e Jenifer Casal, campións de España de piragüismo maratón
Por Alejandro Espiño |
-
Adrián Sieiro renunciará a competir no C-1 do Europeo de piragüismo
Por Diego Espiño |
-
Federación Galega de Piragüismo e Xunta asinan o convenio para o mantemento do Pontillón do Castro
Por Redacción |
-
A Escuela de Piragüismo Ciudad de Pontevedra triunfa na Copa de España cadete
Por Redacción |