O taekwondo de base ten unha cita no Municipal
Por Redacción
O Pavillón Municipal dos Deportes de Pontevedra vibrará o próximo sábado 6 de maio coa emoción do deporte de base grazas ao Campionato Provincial Escolar de Taekwondo.
A competición, nas modalidades de exhibición e combate, reunirá a un total de 474 deportistas en idade alevín e infantil con "un nivel tremendo", recoñece Miguel Cortegoso, representante do Mace Sport, xa que "habitualmente da fase de Pontevedra sae o campión galego e mesmo de España".
A xornada comezará ás 9:30 horas cunha "macro exhibición" a cargo de deportistas dos clubs Suh, Escolas Deportivas de Poio e Mace Sport, continuando desde as 10:00 horas coa competición de exhibición en dous tapices.
Xa pola tarde, desde as 16:00 horas, será quenda da modalidade de combate, para a que se instalarán ata oito tapices na pista do Municipal.
A entrada no Pavillón Municipal dos Deportes, como en todos os eventos organizados ao emparo do Plan Xogade, será de balde para o público.
Relacionadas:
-
O taekwondo de base pontevedrés 'exhíbese' no Municipal
Por Redacción & Diego Torrado |
-
O marinense Pablo Fernández, de xira asiática co equipo nacional de taekwondo
Por Redacción |
-
Arlet Ortiz, ás portas das medallas no Europeo sub-21 de taekwondo
Por Redacción |
-
O taekwondo pontevedrés, protagonista no Open de España
Por Redacción |