O taekwondo pontevedrés, protagonista no Open de España
Por Redacción
Grandes resultados para o taekwondo pontevedrés no Open de España de categoría G-1 celebrado durante a fin de semana en Alacante.
Especialmente destacado foi o papel do Mat's de Marín na categoría senior, na que logrou ata catro medallas por medio de Iván García, Pablo Fernández, Rubén Troitiño e Katya Calvar.
Iván García conseguiu a medalla de prata en -87 quilos ao perder unicamente na final ante Daniel Ros (10-5). Antes eliminara ao croata Dinko Segedin (12-4), ao catalán Álex Mais (7-5) e en semifinais ao estadounidense Hanssell Llanos (7-6).
Tamén colgou a prata Pablo Fernández na súa categoría, o peso pesado. Venceu no seu primeiro combate ao marroquí Mohamed Gannoun (17-6) e na semmifinal superou aal francés Omar O-Yazidi, medallista europeo (10-6). Xa na final cedeu ante o gabonés Anthony Obame, prata nos Xogos de Londres e que se impuxo nos instantes finais.
Pola súa banda Rubén Troitiño (-80 quilos) e Katya Calvar (-62 quilos) conseguiron senllas medallas de bronce na competición senior.
En idade junior Javier González (Mace Sport), logrou o título en -68 quilos despois de superar ao balear Carlos Mesdouri (16-4), ao tamén pontevedrés Unai Silva (8-5), a Aleixis Ruiz (16-3) e na final ao madrileño Manuel Gómez (18-6).
Tamén conseguiu a medalla de ouro Arlet Ortiz (Mat's) en -52 quilos desmotrando o seu gran estado de forma impoñéndose na final a Alma Pérez (Suh Sport) por 10 a 3.
Completou o medalleiro pontevedrés Desiree Rivadulla (Suh Sport) en +59 quilos cadete cunha medalla de bronce.
Relacionadas:
-
Arlet Ortiz, ouro no Nacional Junior de Taekwondo e pasaporte para o Campionato de Europa
Por Redacción |
-
O taekwondo de base pontevedrés 'exhíbese' no Municipal
Por Redacción & Diego Torrado |
-
O taekwondo de base ten unha cita no Municipal
Por Redacción |
-
O marinense Pablo Fernández, de xira asiática co equipo nacional de taekwondo
Por Redacción |
-
Arlet Ortiz, ás portas das medallas no Europeo sub-21 de taekwondo
Por Redacción |
-
Arlet Ortiz pon rumbo a Bulgaria co Europeo Sub-21 en mente
Por Redacción |
-
Unha prata e tres bronces para o Mace Sport no Open de España de técnica e freestyle
Por Redacción |
-
Arlet Ortiz brilla en La Nucia e proclámase campioa de España sub-21 de taekwondo
Por Redacción |