O Celta acaba coa xeira triunfal do Arxil (76-57)
Por Redacción
O Club Baloncesto Arxil non puido continuar co seu bo momento de forma e tras catro vitorias consecutivas volveu perder na súa visita ao pavillón vigués de Navia (76-57).
As pontevedresas cederon ante un bo Celta Zorka, condicionadas por un mal primeiro cuarto, no que as locais se distanciaron no marcador (20-7).
Mellorou o Arxil no segundo parcial, fiadas ao acerto anotador de Minata Keita (23 puntos), única xogadora verde en dobres díxitos, para recortar a desvantaxe ao descanso (37-29).
Con todo na continuación o Celta, da man dunha gran Ylenia Manzanares (33 de valoración), controlou a situación e foi de novo ampliando a súa renda sen dar opción ás de Mayte Méndez.
A derrota fai que o Arxil se vexa apeado da zona de play-off de ascenso que alcanzara a pasada xornada.
Relacionadas:
-
Arxil e Cortegada disputan un derbi intenso que reengancha ás verdes (55-52)
Por Redacción |
-
Catro equipos para unha praza de play-off na Liga Feminina 2
Por Redacción |
-
O Arxil, a continuar a súa xeira positiva en Vigo
Por Redacción |
-
O Arxil supera o pechacancelas Ponce Valladolid (62-58) para situarse en zona de play-off
Por Redacción & Diego Torrado |