O Arxil, a continuar a súa xeira positiva en Vigo
Por Redacción
Catro vitorias consecutivas converteron ao Club Baloncesto Arxil como o equipo máis en forma do Grupo A da Liga Feminina 2 levándoo a postos de play-off de ascenso, algo no que poucos confiaban hai un mes.
Agora as pontevedresas, coa moral a lume de biqueira, queren prolongar ao máximo o seu bo momento e para iso deberá superar este sábado ao Celta Zorka.
O derbi provincial chega en situacións diferentes para ambos os equipos, cun Celta que só gañou un encontro nas súas últimas cinco xornadas de liga.
Mayte Méndez só terá a baixa de Maria Centeno, que continúa co proceso de recuperación da súa lesión, e contará co resto do plantel dispoñible para a cita.
O partido xogarase a partir das 17:30 horas no pavillón vigués de Navia.
Relacionadas:
-
O Celta acaba coa xeira triunfal do Arxil (76-57)
Por Redacción |
-
O Arxil supera o pechacancelas Ponce Valladolid (62-58) para situarse en zona de play-off
Por Redacción & Diego Torrado |
-
Arantxa Mallou, un talismán para o Arxil
Por Redacción |
-
O Arxil engánchase á pelexa polo play-off tras vencer en Barcelona (60-65)
Por Redacción |