Vitoria do Teucro en Bordils para pechar a primeira volta como líder (21-26)
Por Redacción
Dous puntos con sabor especial os conseguidos polo Teucro na sempre complicada pista do Handbol Bordils. Vitoria que permite ao equipo azul pechar a primeira volta como líder en solitario, nunha xornada redonda para os intereses teucristas, que se aproveitan do favor do seu veciño Cisne, que deu boa conta do Zamora, precisamente o próximo rival dos de Quique Domínguez, ao regreso das vacacións do Nadal.
Será unha espera cargada de confianza para un Teucro que segue en franca liña ascendente e que camiña moi firme pola categoría, como demostrou na súa visita a terras catalás, fronte a un rival capaz de gañar como local a todo un Barcelona B e que fixo sufrir durante boa parte do partido aos de Quique Domínguez.
Porque a pesar do que poida indicar o resultado final, non foi fácil conseguir os dous puntos. O Teucro foi a remolque durante boa parte do primeiro tempo, como consecuencia das súas dificultades para superar a forte defensa local, que logrou deixar aos pontevedreses en só 10 goles anotados, para irse ao descanso cunha vantaxe mínima (11-10).
Pero o regreso de vestiarios ofreceu a un Teucro considerablemente mellorado, que rompeu o partido de saída cunha excelente defensa e un parcial de 0-5 (dous goles de Iglesias e tres de Carlos García), para escaparse (11-15) e pasar a dominar xa ata o final.
Os cataláns non se entregaron, pero o máximo que conseguiron foi achegarse a dous (16-18) mediado este segundo tempo, pero Carlos García e Borja Méndez puxeron as cousas no seu sitio. Logo chegaron as exclusións dos locais Masmiquel e Marc Combis, e o Teucro foise definitivamente cunha máxima vantaxe de sete goles (18-25) para chegar ao final cun claro 21-26, fiel reflexo da superioridade teucrista.
Relacionadas:
-
O Teucro deixa atrás as vacacións de Nadal a golpe de dobre sesión
Por Diego Espiño |
-
Medina evita a sanción...de momento
Por Diego Espiño |
-
O Teucro xogará un amigable no Municipal ante a Selección Xaponesa o día 9 de xaneiro
Por Redacción |
-
O Teucro viaxa sobre aviso a Bordils para afrontar a última xornada do ano
Por Diego Espiño |
-
Monumental partido do Teucro para vencer (33-27) ao Palma del Río e confirmar a súa candidatura ao ascenso
Por Diego Espiño & Cristina Saiz |
-
Partido polo liderado entre Teucro e Palma del Río no Municipal
Por Diego Espiño |
-
Un gol sobre a bucina evita o triunfo do Teucro en Barcelona (31-31)
Por Redacción |