O Teucro viaxa sobre aviso a Bordils para afrontar a última xornada do ano
Por Diego Espiño
Último compromiso ligueiro de 2016 para unha Sociedad Deportiva Teucro que quere manter a súa espreita ao liderado da División de Honra Prata.
Os azuis viaxan este sábado (20:00 horas) á pista do modesto Handbol Bordils, equipo catalán que se está a mostrar vulnerable a domicilio pero que "se tranforma cuando juega en casa", asegura Quique Domínguez.
Así o reflicten os seus últimos resultados, que poñen sobre aviso aos pontevedreses, con claras derrotas ante os potentes Palma del Río e Zamora lonxe da súa cancha pero triunfo ante o non menos forte Barcelona B no seu pavillón.
"En casa son muchísimo más agresivos, corren mucho más, defienden mucho más y se sienten muy arropados", explica o técnico teucrista.
A única baixa dos azuis neste encontro será a do lesionado Rial, tendo en conta que o comité de competición non fallará ata a próxima semana sobre a posible sanción a Johnny Medina á espera dun informe arbitral, polo que o pivote pode xogar polo momento e o que se pon en risco é a súa participación no transcendental primeiro partido do ano, ante o Zamora.
Os colexiados do encontro serán os cataláns Quintanar Manzano e Millar Cazorla.
Relacionadas:
-
Vitoria do Teucro en Bordils para pechar a primeira volta como líder (21-26)
Por Redacción |
-
Monumental partido do Teucro para vencer (33-27) ao Palma del Río e confirmar a súa candidatura ao ascenso
Por Diego Espiño & Cristina Saiz |
-
Un gol sobre a bucina evita o triunfo do Teucro en Barcelona (31-31)
Por Redacción |