Colección de medallas para o Mace Sport en Alacante
Por Redacción
Notable actuación dos deportistas do Mace Sport no Campionato de España de Clubs de taekwondo celebrado recentemente en Alacante.
Os deportistas do club pontevedrés conseguiron un bo número de medallas entre as diferentes categorías e modalidades de combate, exhibición ou freestyle.
En combate, Javier González fíxose co ouro en categoría junior (-63 quilos), Inés González coa prata en idade precadete (-40 quilos) e José Abollado o bronce tamén en precadete (-33 quilos). Tamén conseguiu medalla en categoría precadete Elena Cubas, do Suh Sport (-30 quilos).
Maior foi a colleita de medallas na modalidade de exhibición, cun ouro para o equipo senior e unha prata para o equipo cadete.
A nivel individual Marcos Silva conseguiu dúas medallas de ouro en exhibición e freestyle, Álvaro López foi prata en exhibición cadete, do mesmo xeito que Sarai Pazos en parellas xunto Ángel López, que ademais conseguiu outra presea de prata.
O resultado puido ser mellor, pero algúns dos deportistas con máis traxectoria nacional e internacional do club non tiveron a súa mellor actuación, como foron os casos de Unai Silva, Sara Cortegoso, Uxía Ogea ou Artai Pazos, que tentará corrixir erros para as súas próximas competicións.
Relacionadas:
-
O Mat's brilla no Campionato de España Absoluto de taekwondo
Por Redacción |
-
O Mace Sport, preparado para o Campionato de España Absoluto de taekwondo
Por Redacción |
-
O taekwondo pontevedrés exhíbese en Bueu no autonómico sub-21
Por Redacción |
-
Lúa Piñeiro despídese coa cabeza alta da final do Grand Prix
Por Redacción |
-
A Raña, escenario do campionato galego de taekwondo o 17 de decembro
Por Redacción |
-
Katya Calvar consegue a medalla de prata no Open de Israel
Por Redacción |