O Mat's brilla no Campionato de España Absoluto de taekwondo
Por Redacción
A selección galega de taekwondo logrou esta fin de semana en San Sebastián de los Reyes o subcampionato de España por equipos na categoría masculina, feminina e na xeral do Nacional Absoluto, na que tomaron parte ata 234 deportistas.
Entre os clubs galegos destacou o papel dos representantes do Mat's de Marín, cunha medalla de ouro, outra de prata e unha terceira de bronce.
O ouro foi para Pablo Fernández no peso pesado, tras vencer na final ao catalán Jaume Martínez por 15-7. Antes eliminara ao representante de Estremadura e na semifinal a outro catalán, Joel Joan Catalina por un rechamante 36-15.
Iván García en -87 quilos logrou o subcampionato de España ao caer na final da súa categoría ante o valenciano Daniel Ros (3-14). Para chegar ao combate polo título superou anteriormente a Valentín Guinea (10-6) e ao madrileño Javier Mármol nunha semifinal que se decidiu no punto de ouro.
A que non puido revalidar o seu título nacional foi Katya Calvar en -67 quilos ao caer na semifinal contra a madrileña Eva Calvo, medallista olímpica en Río de Janeiro, por un apertado 5-6 tendo que conformarse co bronce.
Tamén contou con medallistas o Mace Sport pontevedrés, que conseguiu dúas preseas de bronce. Foron as de Uxía Ogea e Jéssica Blanco.
Uxía Ogea (-53quilos) superou no seu primeiro combate á balear Jacoba Munar e en cuartos de final á valenciana Carlota Reig, perdendo na final ante a madrileña Lydia García por 14 a 5. Pola súa banda Jéssica Blanco venceu en cuartos de final á representante de Aragón pero cedeu na semifinal ante a madrileña Lida Fernández, que finalmente se fixo co título.
Relacionadas:
-
O marinense Pablo Fernández, de xira asiática co equipo nacional de taekwondo
Por Redacción |
-
Unha prata e tres bronces para o Mace Sport no Open de España de técnica e freestyle
Por Redacción |
-
Arlet Ortiz brilla en La Nucia e proclámase campioa de España sub-21 de taekwondo
Por Redacción |
-
O Mace Sport, preparado para o Campionato de España Absoluto de taekwondo
Por Redacción |
-
O taekwondo pontevedrés exhíbese en Bueu no autonómico sub-21
Por Redacción |
-
Colección de medallas para o Mace Sport en Alacante
Por Redacción |