Katya Calvar consegue a medalla de prata no Open de Israel
Por Redacción
Gran resultado para a marinense Katya Calvar no Open de Israel de taekwondo, celebrado durante a fin de semana na cidade de Ramla.
A deportista do Mat's de Marín, que acudiu á cita convocada pola Real Federación Española de Taekwondo, colgou a medalla de prata en -67 quilos, sumando así importantes puntos no ránking internacional ao tratarse dunha competición de categoría G-1.
Katya tívose que sobrepoñer ás molestias físicas que arrastra desde o Open de Serbia, e avanzou con apuros na primeira rolda ante a representante grega remontando un 0-2 en contra e levando o combate no punto de ouro.
Na semifinal Calvar eliminou á representante rusa (2-0), mentres na final enfrontouse a outra das deportistas gregas perdendo nos últimos segundos por un só punto (5-6).
SEN FORTUNA NO OPEN DE PARÍS
Tamén estivo representado o taekwondo pontevedrés no Open de París, onde en categoría senior faltou fortuna para pelexar polas medallas.
A que máis preto quedou foi a caldense Lúa Piñeiro (Natural Sport, -67 quilos) ao caer en cuartos de final. Pola súa banda Jéssica Blanco (Mace Sport, -57 quilos) perdeu no seu segundo enfrontamento, en oitavos de final, mesma rolda na que cedeu Sara Cortegoso (Mace Sport) no peso de -49 quilos.
Relacionadas:
-
Colección de medallas para o Mace Sport en Alacante
Por Redacción |
-
Lúa Piñeiro despídese coa cabeza alta da final do Grand Prix
Por Redacción |
-
A Raña, escenario do campionato galego de taekwondo o 17 de decembro
Por Redacción |
-
Katya Calvar colga o bronce no Open de Croacia de taekwondo
Por Redacción |
-
Katya Calvar e Pablo Fernández, sen fortuna no Open de Serbia
Por Redacción |
-
O taekwondo exhibe músculo en Príncipe Felipe
Por Redacción & Diego Torrado |