O Cisne inicia en Alcobendas a súa semana máis complicada
Por Diego Espiño
Despois da dolorosa derrota en Córdoba no seu primeiro desprazamento ligueiro, o Club Cisne Balonmán busca o desquite en "una pista muy complicada", a do Balonmano Alcobendas (sábado, 18:00 horas).
Será o inicio do que o adestrador cineísta, Jabato, cualifica como unha das semanas máis complicadas de de a tempada, na que ademais de ante Alcobendas deben xogar ante dúas dos colíderes da competición, Barcelona B e Palma del Río. Todo iso en apenas sete días.
Esta xira iníciase en Madrid ante un conxunto que foi deseñado para pelexar polos postos de privilexio pero que iniciou a competición de maneira irregular, aínda que "el nivel de la plantilla está ahí", sinala Jabato.
O técnico non se fía e asegura que "nos van a exigir muchísimo" cun alto ritmo de xogo no que será importante "minimizar las pérdidas de balón y elegir bien los lanzamientos".
A pesar de todo o equipo pontevedrés viaxa confiado das súas posibilidades, en "una buena líea ascendente" e sen baixas por lesión, xa que a única ausencia será a de Andrés Sánchez, que deixou o equipo durante uns meses por unha bolsa de estudos. Ademais queda en Pontevedra por decisión técnica Fabián González.
O encontro será arbitrado polos cataláns Escoda Pérez e Sánchez Bordetas.
Relacionadas:
-
Excesivo castigo do Barcelona a un digno Cisne que cede na segunda parte (28-35)
Por Ramiro Espiño & Diego Torrado |
-
Sete minutos de seca ofensiva levan o Cisne á derrota en Alcobendas (36-31)
Por Redacción |
-
Pablo Rey leva ao Cisne á segunda rolda de copa eliminando ao Grupo Covadonga (31-29)
Por Ramiro Espiño & Diego Torrado |
-
O Cisne vence e convence nun gran partido ante Alarcos Ciudad Real (29-25)
Por Ramiro Espiño & Diego Torrado |