Teucro e Cisne, preparados para o segundo asalto ligueiro
Por Diego Espiño
A Sociedad Deportiva Teucro afronta este sábado (20:30 horas) no 'desterro' de Príncipe Felipe o seu primeiro partido na casa da tempada coa intención de esquecer canto antes a derrota en Zamora na primeira xornada de liga.
Os azuis piden aos seus afeccionados "que vayan y nos apoyen" para "que se note que es un partido en casa" ante un equipo, o Covadonga, que "llega con el ánimo alto después de ganar su primer partido", recoñece Quique Domínguez.
O técnico azul espera a un rival que se caracteriza por non contar con xogadores de envergadura pero que "intenta suplirlo con velocidad" e que conta con tres xogadores de gran experiencia como Víctor Álvarez, Carlos Prendes e Jorge Martínez.
Coa única baixa de Rial, o resto de xogadores están incluídos nunha convocatoria que completa Sergio Altirriba, con ficha do filial.
O CISNE, ANTE O SEU PRIMEIRO DESPRAZAMENTO
Pola súa banda o Club Cisne Balonmán visita coa moral alta ao recentemente ascendido Cajasur Córdoba (sábado, 20:30 horas), pero sen fiarse desa condición, xa que "ha hecho un gran bloque", segundo Jabato.
O técnico cre que unha das claves pode ser "intentar imponer nuestra marcha y no la suya para no tener problemas", o que supón "encajar poco y a partir de ahí conseguir correr para tener opciones".
Solucionado o problema administrativo con Pablo Gayoso e Alejandro Conde, ambos os xogadores entraron nunha convocatoria da que caen por decisión técnica Fabián González e Pablo Rey.
Relacionadas:
-
Dolorosa derrota nos minutos finais do Cisne en Córdoba (27-26)
Por Redacción |
-
O Teucro salva os mobles nun mal partido fronte ao Grupo Covadonga (31-28)
Por Ramiro Espiño & Diego Torrado |
-
Rial, animado para afrontar unha "recuperación larga" tras ser operado en Madrid
Por Redacción |
-
Tropezo do Teucro en Zamora (23-21), vítima do seu desacerto en ataque
Por Redacción |
-
Prometedor debut do Cisne fronte a Gijón Jovellanos (32-26)
Por Ramiro Espiño |